ރައީސުލްޖުމްހޫރިއްޔާ ޑރ މުހައްމަދު މުޢިއްޒުގެ ވަޢުދުފުޅާއި އެއްގޮތަަށް ހުޅުވާ ފުރަތަމަ އިސްރަށްވެހިންގެ އިޖުތިމާޢީ މަރުކަޒު މާދަމާ ހުޅުވާ ގޮތަށް ހަމަޖެހިއްޖެއެވެ.
އިޖްތިމާޢީ ތަރައްގީއާ ޢާއިލާއާއި ބެހޭ ވުޒާރާއިން ބުނެފައިވާ ގޮތުން މާދަން ހުޅުވަން ހަމަޖެހިފައިވަނީ މާލޭގައި ޤާއިމުކޮށްފައިވާ އިސްރަށްވެހިންގެ އިޖުތިމާޢީ މަރުކަޒު "އިސްރަށްވެހިންގެ ނާދީ" އެވެ. އެތަން ހުޅުވުމުގެ ރަސްމިއްޔާތު އޮންނާނީ މާދަން 16:00 ގައެވެ.
ކީރިތި ޤުރުއާނާ ބެހޭ މަރުކަޒު ކުރިން ހިންގި އިމާރާތުގައި ޤާއިމުކޮށްފައިވާ މި މަރުކަޒު ހުޅުއްވައިދެއްވުމަށް ހަމަޖެހިފައިވަނީ ރައީސުލްޖުމްހޫރިއްޔާ ޑރ. މުޙައްމަދު މުއިއްޒު އެވެ.
ރާއްޖޭގެ އުތުރާއި ދެކުނުގައި އަދި މެދު ރާއްޖެތެރޭގައި، އިސް ރަށްވެހިންގެ ހިތްހަމަޖެހުމާއި އުފާވެރިކަން ޔަޤީންކުރުމަށްޓަކައި ކަނޑައެޅޭ ތަފާތު ޚިދްމަތްތަކެއް ހިމެނޭގޮތަށް މަރުކަޒުތަކެއް ޤާއިމުކުރުމަކީ ރައީސުލްޖުމްހޫރިއްޔާ ޑރ މުހައްމަދު މުޢިއްޒުގެ ވަޢުދުފުޅެކެވެ.
އެ މަސައްކަތް ފެށުމަކީ ހަފްތާ 14ގެ މަގުޗާޓުގައިވެސް ހިމަނާފައިވާއިރު، އިސްރަށްވެހިންގެ މަރުކަޒުތައް ގާއިމް ކުރުމުގެ މަސައްކަތް ކުރާނީ މިނިސްޓްރީ އޮފް ހެލްތާއި، މިނިސްޓްރީ އޮފް ޔޫތް އާއި، މިނިސްޓްރީ އޮފް ސްޕޯޓްސް އާއި ކަމާއި ގުޅޭ އެހެނިހެން އިދާރާތަކުންވެސް ޢާއިލާ އާއި ބެހޭ މިނިސްޓްރީއާއި ގުޅިގެންނެވެ.
Advertisement
This content is created and paid for by advertisers and does not involve Voice Journalists
