ރައީސުލްޖުމްހޫރިއްޔާ ޑރ މުހައްމަދު މުޢިއްޒު އައްޑޫ ސިޓީއަށް ވަޑައިގެންނެވުމަށް ހަމަޖެހިއްްޖެއެވެ.
ރައީސް އައްޑޫސިޓީ އަށް ވަޑައިގަންނަވަން ހަމަޖެހިފައިވަނީ މިއަދުގެ ވަގުތެއްގަ އެވެ.
މިއީ އާއްމުންގެ ހާލު ބައްލަވައި، އާންމުންގެ ހުރި ކަންބޮޑުވުންތައް އަޑު އެއްސެވުމަށް ކުރައްވާ ދަތުރުފުޅެ ކަމަށާ, 5 ދުވަހުގެ މި ދަތުރުފުޅުގެ ތެރެއިން އައްޑޫގެ އިތުރުން ފުވައްމުލަކާއި ހުވަދުއަތޮޅުގެ ބައެއް ރަށްތަކަށް ވަޑައިގަތުމަށް ހަމަޖެހިފައިވާ ކަމަށް ރައީސް އޮފީހުން މައުލޫމާތު ދެއެވެ.
ރައީސްގެ ދުބާއި ދަތުރުފުޅުގެ ކުރިން އެމަނިކުފާނު ވަނީ، ތ. އަތޮޅުގެ ބައެއް ރަށްރަށަށް ޒިޔާރަތްކުރައްވާފައެވެ. އެގޮތުން ތ. އަތޮޅުގެ ޖުމްލަ 10 ރަށަކަށް ވަނީ ވަޑައިގަންނަވާފައެވެ.
އެ ޒިޔާރަތުގައި އެމަނިކުފާނު ވަނީ އެ ރަށްރަށުގެ ރައްޔިތުންނާއި ބައްދަލު ކުރައްވައި ވާހަކަ ދައްކަވައިފަ އެވެ. އަދި ރަށު ކައުންސިލް ތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީއާއި ވެސް ބައްދަލުކުރައްވާފައެވެ.
ރައީސްގެ އެ ދަތުރުފުޅުގެ ތެރެއިން، އެ އަތޮޅު ކިނބިދޫ އަށް ވަޑައިގެން ވާހަކަދައްކަވަމުން ވަނީ، ދުބާއި ދަތުރުފުޅަށްފަހު، އެއް މަސް ދުވަސް ތެރޭގައި ރާއްޖޭގެ ހުރިހާ ރަށެއްގެ ކައުންސިލް ތަކާއި ބައްދަލު ކުރައްވަން ރަށްރަށަށް ވަޑައިގަންނަވާނެ ކަމަށް ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
