ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ފުރަތަމަ 14ހަފްތާގެ މަގުޗާޓާގައި ހިމެނިފައިވާ ކަންތައްތަކުގެ ތެރެއިިން އިޖުތިމާޢީ އަދި ޢާއިލީ ތަރައްގީއާ ބެހޭ ވުޒާރާގެ އިޚްތިޞާޞްގެ ތެރޭގައި ހިމެނިފައިވާ ހުރިހާ ވަޢުދެއް ފުއްްދަވައިފިއެވެ. 

ހަފްތާ 14 ގެ މަގުޗާޓުގައި ހިމެނޭ ކަންކަމުގެ ތެރެއިން އާއިލާއާއި ބެހޭ ވުޒާރާގެ އިހްތިސާސް ގައި ހިމެނެނީ ޖުމްލަ 10 ވައުދެވެ. އެއީ؛ 

1) އެންޑޮމެޓްރިއޯސިސް' އަދި 'ޕީސީއޯއެސް' ފަދަ އަންހެނުންނަށް ދިމާވާ ޞިއްޙީ މައްސަލަތަކަށް ޚާއްޞަ ފަރުވާ، އާސަންދަ މެދުވެރިކޮށް ލިބޭނެ އިންތިޒާމު ހަމަޖައްސައިދިނުން

2) ދައުލަތުގެ ބެލުމުގެ ދަށުގައި ތިބޭ ކުޑަކުދީންނަށް "ކޮންމެ ކުއްޖަކަށް އާއިލާއެއް" ޕްރޮގްރާމު އެކުލަވާލުން

3) ދިވެހި ކޮންމެ ރައްޔިތަކަށް އާސަންދައިގެ ދަށުން އަހަރަކު 2 ފަހަރު މެޑިކަލް ޗެކަޕް ހެދުމުގެ މަގުފަހިކޮށްދިނުމަށް ޚާއްޞަ ސިޔާސަތެއް އެކުލަވާލައި ތަންފީޒުކުރަން ފެށުން

4) ބޭރު ޤައުމުތަކުގައި ހޮސްޕިޓާ ބަދަލުކުރަން ނަގާ ފީ، އާސަންދަ މެދުވެރިކޮށް ހަމަޖައްސައިދިނުން

5) ރައްޔިތުންގެ މަޖިލީހުގައި އަންހެނުންގެ ބައިވެރިވުން އިތުރުކުރުމަށް ކަމާގުޅުންހުރި އެކި ފަރާތްތަކާއެކު މަސައްކަތް ފެށުން

6) ދައުލަތުގެ އިދާރާތަކާއި އަމިއްލަ ވިޔަފާރިތަކާއި ކުންފުނިތަކުގައި މިންތީގެ ހަމަހަކަމަށް ބާރުއެޅުމުގެގޮތުން، ޤައުމީ ފެންވަރުގައި "ހަމަހަމަކަން ކަށަވަރު" ނިޝާން ތަޢާރަފުކުރުން

7) ޚާއްޞަ އެހީއަށް ބޭނުންވާ ފަރާތްތަކަށް ވަޒީފާދިނުމުގެ ސިޔާސަތު އެކުލަވާލައި ތަންފީޒުކުރަން ފެށުން

8) އަންހެން މުވައްޒަފުންނަށް ރައްކާތެރި، ޤަދަރުވެރި އަދި ހަމަހަމަ މަސައްކަތުގެ މާޙައުލެއް ކަށަވަރުކޮށްދިނުމަށް ޓަކައި ޤާނޫނީ އޮނިގަނޑަށް އިޞްލާޙު ހުށަހެޅުން

9) 'އައިވީއެފް ޓްރީޓްމަންޓް' ހިމެނޭހެން ދަރިމައިވުމާގުޅޭ ފަރުވާގެ ޚިދުމަތްތައް، އާސަންދަ މެދުވެރިކޮށް ލިބޭނެ އިންތިޒާމު ހަމަޖައްސައިދިނުން

10) އިސްރަށްވެހީންނަށް ޚާއްޞަ އިޖުތިމާޢީ މަރުކަޒުތަކެއް ބިނާކުރުމުގެ މަޝްރޫޢެއް ފެށުން

އިއްޔެ މާލޭގައި ހުޅުވިގެން ދިޔަ އިސްރަށްވެހިންގެ ނާދީ އާއި އެކު، މި ދިހަ ވަޢދުވެސް ވަނީ ފުއްދައި ނިމިފައެވެ. އެ ވަޢުދުތަކާއި ގުޅޭ ތަފްސީލް ރައީސް އޮފީހުގެ ވެބްސައިޓް ގައި ވަނީ ހާމަކޮށްފައެވެ. 

ރައީސުލްޖުމްހޫރިއްޔާ ޑރ މުހައްމަދު މުޢިއްޒުގެ ހަފްތާ 14 މަގުޗާޓުގައި ޖުމުލަ 161 ވަޢުދުފުޅު ހިމެނެއެވެ. އޭގެ ތެރެއިން، 78 ވަޢުދު އެއްކޮށް ފުއްދައިދެވިފައިވާއިރު، އެހެނިހެން ވަޢުދުތައް ފުއްދުމުގެ މަސައްކަތް ކުރިއަށްދާކަން ރައީސް އޮފީހުން ހާމަ ކޮށްފައިވާ މަޢުލޫމާތުން އެނގެއެވެ.