ރާއްޖޭގެ އެކި އަތޮޅުތަކުން 25 ފަޅުރަށެއް ކައުންސިލުތަކަށް ދޫކޮށްލަން ނިންމައި، އެ ފަޅުރަށްތައް ހޯދުމަށް ކުރިމަތިލުމުގެ ފުރުސަތު ހުޅުވާލައިފި އެވެ.

މޯލްޑިވްސް ލޭންޑް އެންޑް ސާވޭ އޮތޯރިޓީން ކުރި އިއުލާނުގައި ބުނެފައިވާ ގޮތުން ކައުންސިލުތަކަށް މި ފަޅުރަށްތައް ދޫކުރަނީ މަސްވެރިކަމާއި ދަނޑުވެރިކަމާއި އިގްތިސާދީ ބޭނުންތައް ފިޔަވައި އެ ނޫން ބޭނުންތަކަށް ފަޅުރަށްރަށް ދޫކުރުމާބެހޭ ގަވާއިދުގެ ދަށުންމެވެ. 

މިދިޔަ އަހަރުން ފެށިގެން އަމަލުކުރަމުން އަންނަ އެ ގަވާއިދަކީ އިޖުތިމާއީ އެކި ބޭނުންތަކަށް ފަޅުރަށްތައް ކުއްޔަށް ދޫކުރެވޭ ގޮތަށް އެކުލަވާލާފައިވާ ގަވާއިދެކެވެ.

މި ގަވާއިދުގެ ދަށުން ފަޅުރަށްތައް ދޫކުރާނީ ބީލަމުގެ އުސޫލުން އާންމުކޮށް އިއުލާންކޮށްގެން، އެކަށީގެންވާ އެންމެ ރަނގަޅު ހުށަހެޅުމެއް ހުށަހަޅާ ކައުންސިލަށް ކަމަށާ އަދި މި ރަށްތައް ދޫކުރާނީ ގިނަވެގެން 21 އަހަރަށް ކަމަށް އެ ގަވާއިދުގައި ބުނެފައިވެ އެވެ.

ހދ. ފަރިދޫ

ހދ. ހިރިނައިދޫ

ށ. ނަރުރިނބުދޫ

ށ. މިގޫދޫ

ނ. ދީފުރަމް

ނ. އިނގުރައިދޫ

ރ. ހިބޫދޫ

ރ. ހުޅުދޫ

ރ. ނެޔޮ

ބ. މާއްޑޫ

ބ. ދަކަންދޫ

މ. މާހުރާ

ފ. މަކުނެއެރި

ދ. ފެންފުށި

ދ. މިނިމަސްގަލި

ތ. ފެންމީރުފުށި

ތ. ކަކޮޅަސް

ލ. ކަނޑަރު

ލ. ބޮޑުމާބުޅަލި

ގއ. ވިލިގަލާ

ގއ. މުނަންދުވާ

ގދ. މާނައިދޫ

ގދ. އާކިރަހުއްޓާ

ގދ. ވާރެޔަދުވާ

ގދ. ލޮނުދޫ

ފަޅު ރަށް ކުއްޔަށް ހޯދުމުގެ ފުރުސަތު ހުޅުވާލައިފައި ވާއިރު، ރަށްރަށުގެ ތަރައްގީގެ ބޭނުމަށް ރަށްރަށުގެ ކައުންސިލްތަކުން އެދޭ އިހުތިސާސުން ބޭރުގައި ހިމެނޭ ފަޅުފަޅާއި ރަށްރަށް އެ ކައުންސިލްތަކަށް ހަވާލު ކުރެވޭނެ ގޮތަށް ހަމަޖައްސާ އެކަމުގެ އުސޫލު މި ސަރުކާރުން ވަނީ މިއަހަރުގެ ޖެނުއަރީ މަހުގެ 18 ވަނަ ދުވަހު އާއްމު ކޮށްފައެވެ.