ކޯރަމް ހަމަ ނުވެގެން މަޖިލީހުގެ މިއަދުގެ ޖަލްސާ މެދުކަނޑާލައިފިއެވެ.

ރައްޔިތުންގެ މަޖިލީހުގެ މިއަދުގެ ޖަލްސާ 9 ޖެހި އިރުން ފެށިގެން، ކުރިއަށް ގެންދިޔުމަށް މަސައްކަތް ކުރެއްވުމަށް ފަހު، މަޖިލީހުގެ ރިޔާސަތުގައި އިންނެވި މަޖިލީހުގެ ނާއިބު ރައީސް އަހުމަދު ސަލީމް، ކޯރަމް ހަމަ ނުވެގެން ޖަލްސާ މެދުކަނޑާލެއްވީ އަލުން 10 ޖަހާއިރު ޖަލްސާ ފެއްޓެވުމަށް މަސައްކަތް ކުރައްވާނެ ކަމަށް ވިދާޅުވަމުންނެވެ.

ކޯރަމް ހަމަ ނުވެގެން ޖަލްސާ މެދުކަނޑާލެއްވި އިރު، މިއަދުގެ ޖަލްސާގައިވެސް މުހިންމު މަސައްކަތް ތަކެއް ކުރުމަށް އެޖެންޑާ ކުރެވިފައިވެއެވެ.

އެގޮތުން، ވަޒީރުންގެ މަޖިލީހަށް 17 ނޮވެންބަރު 2023 ގައި ރައީސުލްޖުމްހޫރިއްޔާ ޢައްޔަންކުރައްވާފައިވާ 22 މެންބަރުންގެ ތެރެއިން ރައްޔިތުންގެ މަޖިލީހުގެ ރުހުން ލިބިފައިނުވާ 3 މެންބަރުން ވަޒީރުންގެ މަޖިލީހަށް އަލުން ޢައްޔަންކުރައްވ ފައިވާތީ ގަލޮޅު އުތުރު ދާއިރާގެ މެންބަރު އީވާ ޢަބްދުالله ހުށަހަޅުއްވާފައިވާ ގަރާރުގެ ބަހުސްކުރިއަށް ގެންދިޔުމާއި، މަސްވެރިން ބާނާ މަހަށްވާ ފައިސާ ވީއެންމެ އަވަހަކަށް އެފަރާތްތަކަށް ހަވާލުކުރުމަށް އައްޑޫމީދޫ ދާއިރާގެ މެންބަރު ރޮޒައިނާ އާދަމް ހުށަހަޅުއްވާ ފައިވާ ގަރާރަށް ބަހުސް ކުރުން ހިމެނެއެވެ.