ރައީސުލްޖުމުހޫރިއްޔާ ޑރ.މުހައްމަދު މުއިއްޒު ރާއްޖޭގެ އުތުރުގެ 4 އަތޮޅަކަށް ކުރައްވާ ދަތުރުފުޅެއްގައި ފުރާވަޑައިގެންފިއެވެ.
އެމަނިކުފާނުގެ މި ދަތުރުފުޅުގައި ވަޑައި ގަތުމަށް ހަމަޖެހިފައިވަނީ ،ތިލަދުންމަތީ އުތުރުބުރިއަށާއި، ތިލަދުންމަތީ ދެކުނުބުރީއަށާއި، އަދި މިލަދުންމަޑުލު އުތުރުބުރީއަށާއި އަދި މިލަދުންމަޑުލު ދެކުނުބުރީ އަށެވެ.
މައުލޫމާތު ލިބިފައިވާ ގޮތުގައި ރައީސްގެ މި ދަތުރުފުޅުގައި އެންމެ ފުރަތަމަ ވަޑައިގެންވުމަށް ހަމަޖެހިފައިވަނީ ހއ. ހޯރަފުށްޓަށެވެ. އެއަށްފަހު އެއަތޮޅު ތުރާކުނަށާއި، އިހަވަންދުއަށް މިއަދު ވަޑައިގެންނެވުމަށް ފަހު މިރޭ މަޑުކުރައްވަން ހަމަޖެހިފައިވަނީ ދިއްދޫގައެވެ.
ރައީސް ޑރ.މުހައްމަދު މުއިއްޒުގެ މި ދަތުރުފުޅަކީ ރާއްޖޭގެ ވެރިކަން ލިބިވަޑައި ގެންނެވުމަށްފަހު އުތުރުގެ ރަށްތަކަށް ކުރައްވާ ފުރަތަމަ ދަތުރުފުޅެވެ. މީގެ ކުރިން އެމަނިކުފާނުވަނީ ރާއްޖޭގެ ދެކުނުގެ ބައެއް އަތޮޅުތަކަށް ދަތުރު ކުރައްވާފައެވެ.
އެމަނިކުފާނު މިއަދު މި ފެއްޓެވި ދަތުރުފުޅުގައިވެސް ރަށްރަށުގެ ރަށުކައުންސިލްތަކާއި އތމކ ތަކާއި ބައްދަލު ކުރެއްވުމުގެ އިތުރުން ބައެއް ރަށްރަށުގެ ރައްޔިތުންނާއި ބައްދަލުކުރައްވާ އެފަރާތްތަކުގެ ހުރި ކަންބޮޑުވުންތައް ގާތުން ބެއްލެވުމަށް ވަނީ ހަމަޖެހިފައެވެ.
ރައީސްގެ މި ދަތުރުފުޅުގައި އެމަނިކުފާނުގެ ކެބިނެޓުގައި ހިމެނި ވަޑައިގަންނަވާ ބައެއް ވަޒީރުންނާއި ސަރުކާރުގެ ބައެއް ކުންފުނިތަކުގެ އިސްވެރިން ބައިވެރިވެ ވަޑައިގަންނަވާނެއެވެ.
Advertisement
This content is created and paid for by advertisers and does not involve Voice Journalists
