އއ. މާޅޮސް ކައުންސިލްގެ އަންހެން މެމްބަރަކު ހޮވުމަށް މިއަދު ބެއްވުނު ބައި އިލެކްޝަންގެ ބޮޑުތަފާތަކުން ޕީއެންސީ ކެންޑީޑޭޓް އައިމިނަތު މާޔާ ކާމިޔާބު ކޮށްފިއެވެ.
މާޅޮހު ކައުންސިލްގެ އަންހެން މެންބަރުކަމުގެ ގޮޑި އައިމިނަތު މާޔާ ކާމިޔާބު ކުރެއްވީ އެމްޑީޕީގެ ކެންޑިޑޭޓް އަޒީނާ އާދަމާއި ވާދަކޮށްގެންނެވެ. މިއިންތިހާބުގައި ވާދަކޮށްފައި ވަނީ ވެސް ހަމަ އެކަނި މި ދެޕާޓީންނެވެ.
މި ބައި އިލެކްޝަންގެ ވަގުތީ ނަތީޖާއަށް ބަލާއިރު މާޔާ ވަނީ އަޒީނާގެ މައްޗަށް 100 ވޯޓުގެ ބޮޑު ތަފާތަކުން ކުރި ހޯއްދަވާފައެވެ. މާޔާ 267 ވޯޓް ހޯއްދެވިއިރު، އަޒީނާ އަށް ލިބުނީ 164 ވޯޓެވެ.
މިއަދުގެ މި ނަތީޖާއަކީ މިހާރުވެރިކަން ކުރަމުންގެންދާ ޕީޕީއެމް/ޕީއެންސީއަށް ލިބުނު ވަރަށް ބޮޑު ކާމިޔާބެއްކަމަށް ފާހަގަކޮށްލަން ޖެހެއެވެ. އެހެނީ މާޅޮހަކީ މީގެ ކުރިން އެމްޑީޕީގެ ބޮޑު މެޖޯރިޓީއެއް އޮތް ރަށަކަށްވެފައި، މިހާތަނަށް އެއްވެސް އިންތިހާބެއްގައި މި ނޫނީ ޕީޕީއެމް/ޕީއެންސީ އަށް ކާމިޔާބު ކުރެވިފައި ނުވުމެވެ.
މާޅޮސް ކައުންސިލްގެ އަންހެން މެންބަރަކަށްއަޒީނާ އާދަމް އިންތިހާބުވުމާއި ގުޅިގެން ގިނަބަޔަކު ގެންދަނީ އަޒީނާއަށް މަރުޙަބާ އާއި ހެޔޮއެދުންތައް ފޮނުވަމުންނެވެ.
Advertisement
This content is created and paid for by advertisers and does not involve Voice Journalists
