އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެންބަރުންނަށް ހަމައެކަނި އެލަވަންސް އެއް ދިނުމުގެ ބަދަލުގައި، މުވައްޒަފުންނަށް ވީތީ ލިބޭ މުސާރައާއި އެކު ދެންވެސް ލިބޭ ހުރިހާ ޢިނާޔަތެއް ލިބޭ ގޮތް ހަދައިދެއްވާނެ ކަމަށް ރައީސުލްޖުމުހޫރިއްޔާ ޑރ މުހައްމަދު މުޢިއްޒު ވިދާޅުވެއްޖެއެވެ.
ރައީސުލްޖުމްހޫރިއްޔާ މިހެން ވިދާޅުވީ، މިއަދު ހެނދުނު ށ. ފޮނަދޫ ރައްޔިތުންނާއި ބައްދަލު ކުރެއްވުމަަށް ބޭއްވި ޖަލްސާގައި ވާހަކަ ދައްކަވަމުންނެވެ.
އެގޮތުން ރައީސް މުޢިއްޒު ވިދާޅުވީ، އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެންބަރުންނަށް ލިބޭ 5 ޕަސެންޓް އެލަވަންސް އަކީ އަންހެނުންގެ ތަރައްޤީއަށް ކުރާ މަސައްކަތް ތަކަށް ހޭދަކުރާ އެއްޗަކަށް ހަދައި، އެ މެންބަރުންގެ މުސާރަ އަކީ އެ އެލަވަންސް އިން ދޭ އެއްޗެއްގެ ބަދަލުގައި ވަކިން ދޭ އެއްޗަކަށް ހެދުމަކީ މިސަރުކާރުން ވަރަށް ބޮޑަށް ތާއީދު ކުރާ ކަމެއް ކަމަށެވެ.
ސަރުކާރުން، މަޖިލިސްގެ ތެރެއިން، އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެންބަރުންނަށް، އެކުރާ މަސައްކަތުގެ ބަދަލު ލިބޭނެ ގޮތް. އެއީ، ދޭ އެލަވަންސް އެއީ މުސާރައަކަށް ބަދަލުކޮށް، ޗުއްޓީއާއި، މުވައްޒަފުންނަށް ވީމާ، ލިބެންޖެހޭ ހުރިހާ އިނާޔަތްތައް ލިބޭގޮތް ހެދުން. އަދި އެލިބޭ 5 ޕަސެންޓް އެލަވަންސް އަކީ އަންހެނުންގެ ތަރައްޤީއަށް ކުރާ މަސައްކަތް ތަކަށް ހޭދަކުރާ އެއްޗަކަށް ހަދާފައި، މުސާރަ އަކީ އޭގެން ދޭ އެއްޗެއްގެ ބަދަލުގައި ވަކިން ދޭ އެއްޗަކަށް ހަދައި، އެގޮތަށް ބަދަލު ކުރުމަށް.
ރައީސުލްޖުމްހޫރިއްޔާ ޑރ މުހައްމަދު މުޢިއްޒު
ރައީސުލްޖުމްހޫރިއްޔާ ވިދާޅުވީ، އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެންބަރުންނަށްޓަކައި ކޮށްދެއްވަން އެ ބޭނުންވާ ކަންތައް ކުރެވެން އޮތީ ގާނޫނަށް ބަދަލު ގެނެސް ގެންނެވެ. އެހެންކަމުން، އެކަމަށްޓަކައި ރައްޔިތުންގެ މަޖިލީހުގެ މެންބަރުންނަކީ މުހިންމު ބައެއް ކަމަށް އެމަނިކުފާނު ވިދާޅުވި އެވެ. އަދި ސަރުކާރުގެ ވިސްނުމުގައި މަޖިލީހުގައި މަސައްކަތް ކުރާ ބައެއް ތިބުމަކީ އެކަންކަން ކުރުމަށް މުހިންމު ކަމެއް ކަމަށްވެސް ރައީސް ވިދާޅުވި އެވެ.
މީގެ އިތުރުން ފުނަދޫ ޖަލްސާގައި ރައީސް މުޢިއްޒު ވަނީ، އެރަށުގެ ތަރައްގީއަށްޓަކައި ކުރުމަށް ރޭވިފައިވާ ކަންކަމަށް އަލިއަޅުވާލައްވާފައެވެ.
އެގޮތުން އެމަނިކުފާނު ވިދާޅުވީ، އެންމެ އިސްކަމެއްދެއްވާނެ އެއްކަމަކީ ފުނަދޫގެ ހޮސްޕިޓަލުގެ ފެންވަރު މަތިކުރުމަށް ކަމަށާއި، އެގޮތުން އެ ހޮސްޕިޓަލަކީ ޚިދުމަތުގެ ގޮތުންނާއި، އިމާރާތުގެ ގޮތުންވެސް ފެންވަރު ރަނގަޅު ހޮސްޕިޓަލަކަށްވާނެ ކަމުގައެވެ. ހަމައެހެންމެ ފުނަދޫ އެއާޕޯޓު އިތުރަށް ތަރައްޤީކުރުމަށް މަސައްކަތް ކޮށްދެއްވާނެކަމަށާއި، އޭގެ ތެރޭގައި އެއާޕޯޓުގެ ރަންވޭ އިތުރަށް ދިގުކުރުމާއި، އެއާޕޯޓުގެ ޚިދުމަތްތައް ރަނގަޅުކުރުމާއި، ފްލައިޓްތައް އިތުރުކުރުން ފަދަ ކަންކަން ރައީސުލްޖުމްހޫރިއްޔާ ފާހަގަކުރެއްވިއެވެ.
ރައީސުލްޖުމްހޫރިއްޔާގެ ވާހަކަފުޅުގައި، ށ އަތޮޅުގައި ހުރި ރަށްރަށުގެ ތެރެއިން ޓޫރިޒަމް ފުޅާކުރުމަށް ބޭނުންކުރެވިދާނެ ރަށްރަށުގެ ބޭނުންހިފައި ޓޫރިޒަމް ފުޅާކުރުމާއި، ށ. ފުނަދޫގައި ބިންހިއްކުމުގެ މަޝްރޫޢެއް ކުރިއަށްގެންދިއުމާއި، މިހާރުވެސް އޮތްގޮތަށް އާބާދީ އެއްފަސްކުރުމުގެ ކަންކަން ކުރިމަގުގައިވެސް ކުރިއަށްގެންދިއުމަށް މަގު ފަހިވާގޮތަށް ކަންކަން އިންތިޒާމުކޮށްގެން ކުރިއަށްގެންދަވާނެކަން ފާހަގަކުރެއްވިއެވެ.
Advertisement
This content is created and paid for by advertisers and does not involve Voice Journalists
