ކުރިއަށް އޮތް ރޯދަ މަހާއި ދިމާކޮށް ވިލާ މާޓުން ހާއްސަ ޕްރޮމޯޝަނެއް ފެށުމަށް ނިންމައިފިއެވެ.

"ރޯދަ ވިތު ވިލާ މާޓް" ގެ ނަމުގައި ކުރިއަށްގެންދާ މި ޕްރޮމޯޝަން ކުރިއަށްދާނީ 10 މާޗް 2024 އިން 10 އޭޕްރީލް 2024 ގެ ނިޔަލަށެވެ. މި ޕްރޮމޯޝަންގެ ދަށުން މި މަހުގެ 10 ވަނަ ދުވަހުން ފެށިގެން ކަސްޓަމަރުންނަށް ރޯދަ މަހު ކޮންމެ ދުވަހަކު ވެސް 500 ރުފިޔާގެ ވައުޗަރު ހޯދުމުގެ ފުރުސަތު ލިބިގެންދާނެއެވެ.

މި ޕްރޮމޯޝަންގައި ބައިވެރިވުމަށް  ރޯދަ މަސް ތެރޭގައި ކަސްޓަމަރުން، ވިލާ މާޓުގެ ފަސް އައުޓްލެޓުގެ ތެރެއިން ކޮންމެވެސް އައުޓްލެޓަކުން ވިޔަފާރި ކުރަން ޖެހެއެވެ. އެއާއި އެކު، 500 ރުފިޔާގެ ވައުޗަރގެ ލަކީޑްރޯގައި ބައިވެރިވުމުގެ ފުރުސަތު "އޮޓަމެޓިކުން" ލިބިގެންދާނެއެވެ.

ވިލާ މާޓުން ބުނީ މި ޕްރޮމޯޝަނަކީ ވިލާ މާޓުގެ އައުޓްލެޓްތަކުގެ ހުރިހާ ކަސްޓަމަރުންނަށް ވެސް ހުޅުވާލާފައިވާ ޕްރޮމޯޝަނެއް ކަމަށާއި މި މާތްވެގެންވާ ރަމަޟާން މަހުގެ އުފަލުގައި ބާއްވާ މި ޕްރޮމޯޝަންގައި ބައިވެރިވުމުގެ ފުރުސަތު އެންމެންނަށް ވެސް ލިބިގެންދާނެ ކަމަށެވެ.

ވިލާ މާޓަކީ މާލެ ސަރަހައްދުގެ އެންމެ މަޝްހޫރު އެއް ރީޓެއިލް ޗެއިން ކަމަށްވާއިރު، ރަމަޟާން މަހާ ދިމާކޮށް ހާއްސަ ޕްރޮމޯޝަނެއް އިއުލާނުކުރުމަކީ އެކުންފުންޏަށް ލިބުނު އުފަލެއް ކަމުގައި ވަނީ ފާހަގަކޮށްފައެވެ. މިކަމާއި ގުޅިގެން ވިލާމާޓުގެ ތަރުޖަމާނު ވިދާޅުވީ މި ޕްރޮމޯޝަނަކީ ވަފާތެރި ކަސްޓަމަރުންނަށް ވިލާ މާޓާއެކު ވިޔަފާރި ކުރުމުގެ ތަޖުރިބާ އިތުރުކުރުމުގެ ގޮތުން ކުރިއަށް ގެންދާ ޕްރޮމޯޝަނެއް ކަމަށެވެ.

ރަމަޟާން މަހުގެ ޕްރޮމޯޝަނާ ގުޅޭ އިތުރު މައުލޫމާތާއި އަޕްޑޭޓް www.villamart.mv ނުވަތަ ވިލާ މާޓުގެ ސޯޝަލް މީޑިއާ ޕޭޖްތަކުން ލިބޭނެއެވެ.