މޯލްޑިވްސް ޙައްޖު ކޯޕަރޭޝަނުން ހިންގާ މުވައްޒަފުންގެ ސްކީމްގެ ޙިދުމަތް މ އަތޮޅުގައި ފެށުމަށްޓަކައި، އެ އަތޮޅު ވޭވަށު ކައުންސިލާއެކު އެއްބަސްވުމެއްގައި ސޮއިކޮށްފިއެވެ.
މިދިޔަ ހަފްތާގެ ބުރާސްފަތި ދުވަހުގެރޭ، ވޭވަށު ސްކޫލްގައި ބޭއްވުނު ރަސްމިއްޔާތެއްގައި، މި އެއްބަސްވުމުގައި ވޭވަށު ކައުންސިލްގެ ފަރާތުން ސޮއިކޮށްފައިވަނީ ކައުންސިލްގެ ރައީސް އަލްފާޟިލް މަމްދޫޙް ވަޙީދެވެ.
މޯލްޑިވްސް ޙައްޖު ކޯޕަރޭޝަނުން ވަނީ އަތޮޅު ކައުންސިލަކުން އިސްނަންގަވައިގެން އަަތޮޅު ލެވެލްގައި މިފަދަ ހަރަކާތެއް ފެއްޓެވި ފުރަތަމަ އަތޮޅަކަށް މ އަތޮޅު ވެގެންދިއުމަކީ އެއީ އަތޮޅަށް ލިބިގެންދިޔަ ވަރަށްބޮޑު ފަހުރެއްކަން ފާހަގަކޮށްފައެވެ.
މި އެއްބަސްވުމުގެ ސަބަބުން، މޯލްޑިވްސް ޙައްޖު ކޯޕަރޭޝަނުންދޭ ޙިދުމަތްތައް ހޯދުމަށް އިދާރާތަކުގެ މުވައްޒަފުންގެ އިތުރުން އާންމު ރައްޔިތުންނަށްވެސް ބޮޑެތި ލުއިފަސޭހަތަކެއް ވެގެންދާނެ ކަމަށް އެކޯޕަރޭޝަނުން ބުނެއެވެ.
މޯލްޑިވްސް ޙައްޖު ކޯޕަރޭޝަނުން ހިންގާ މުވައްޒަފުންގެ ސްކީމަކީ، އިދާރާތަކުގެ މުވައްޒަފުންގެ ތެރެއިން "މުވައްޒަފުންގެ ސްކީމް" ގައި ބައިވެރިވެ ޙައްޖަށް ދިއުމަށް ބޭނުންވާ މުވައްޒަފުންގެ މުސާރައިން މުވައްޒަފު ހުއްދަކުރާ މިންވަރެއް އުނިކުރުމަށްފަހު އެ އުނި ކުރި ފައިސާ މޯލްޑިވްސް ޙައްޖު ކޯޕަރޭޝަނަށް ޖަމާކުރެވިގެންދާ ސްކީމެކެވެ.
Advertisement
This content is created and paid for by advertisers and does not involve Voice Journalists
