ފިތުރު ޒަކާތް ބަލައިގަންނަން މިހާރު ފަށާފައިވާއިރު، އޮންލައިންކޮށް ބޭނުން ތަނެއްގައި ހުރެގެންވެސް ޒަކާތް ދެއްކޭނެ އިންތިޒާމް ހަމަޖެހިފައުވާ ކަމަށް ޒަކާތު ހައުސް އިން ބުނެފިއެވެ.

މިމަހު 11 ވަނަ ދުވަހުން ފެށިގެން ރަމަޟާން މަހުގެ 29 ވަނަ ދުވަހުގެ ނިޔަލަށް މާލެއާއި އަތޮޅުތަކުގައި ފިތުރު ޒަކާތް ބަލައިގަންނަމުންދާއިރު، އޮންލައިންކޮށް ޒަކާތް ދެއްކުމުގެ ފުރުސަތު އެކި ޕްލެޓްފޯމް ތަކުން ވަނީ ހުޅުވާލާފައެވެ.

އެގޮތުން އޮންލައިން ކޮށް ޒަކާތް ދެއްކޭ ޕްލެޓްފޯމް ތަކަކީ؛

* އުރީދޫ 

https://www.ooredoo.mv/webapps/zakaath/public/

* ބަނޑޭރި ޕޯޓަލް

https://bandeyripay.finance.gov.mv

* ބީއެމްއެލް ވެބްސައިޓުން

https://zakaaiy.bankofmaldives.com.mv/

* ފަހިޕޭ އެޕްލިކޭޝަން

https://fahipay.mv/zakat/

މީގެ އިތުރުން އިސްލާމީ ކަންތައްތަކާއި ބެހޭ ވުޒާރާގެ ހޯލުންނާއި ޒަކާތް ބަލައިގަންނައިރު، އަތޮޅު ތެރޭގައި ފިތުރު ޒަކާތް ދައްކަން ޖެހެނީ އެ ރަށެއްގެ ރަށު ކައުންސިލް އިދާރާއަށެވެ.

މިއަހަރުގެ ރަމަޟާންމަހުގެ ފަހު ދިހަ އަކީ ސަރުކާރު ބަންދު ދުވަސް ތަކެއް ކަމުގައި ކަނޑައަޅާފައިވާތީ، ރަމަޟާން މަހުގައި ކައުންޓަރު ތަކުން ޒަކާތް ބަލައިގަތުމަށް ހަމަޖެހިފައިވަނީ އަންނަނިވި ވަގުތު ތަކުގައި ކަމަށް ބުނެފައިވެއެވެ. 

• 12-28 މާރިޗު އަށް ރަސްމީ ބަންދުނޫން ކޮންމެ ދުވަހަކު 9:30-13:00 އަށް 

• 31 މާރިޗު އިން 9 އޭޕްރީލް އަށް، ހުކުރު ހޮނިހިރު ފިޔަވައި ކޮންމެ ދުވަހަކު 11:00-14:00 އަށް. 

- އާދައިގެ ހަނޑުލުންނަމަ 12 ރުފިޔާ

- ތައިލެންޑް ހުދު ހަނޑުލުންނަމަ 70 ރުފިޔާ

- ބާސްމަތީ (އާދައިގެ) ހަނޑުލުންނަމަ 70 ރުފިޔާ

- ބާސްމަތީ މޮޅު ހަނޑުލުން ނަމަ 100 ރުފިޔާ

- ބާސްމަތީ އެންމެ މޮޅު ހަނޑުލުން ނަމަ 125 ރުފިޔާ

- ރަތް ހަނޑުލުންނަމަ 80 ރުފިޔާ

- އާދައިގެ ފުށުންނަމަ 10 ރުފިޔާ

- އާޓާ ފުށުންނަމަ 75 ރުފިޔާ