އަމިއްލަ ފަރުދުންނަށް ހެލްތު އިންޝުއަރެންސްގެ ޚިދުމަތް ހޯދުމުގައި އިތުރު ލުއިފަސޭހަ ލިބޭނެ ގޮތް ތަކެއް ހޯދުމަށް ކަމާއިބެހޭ ފަރާތްތަކާއި މަޝްވަރާ ކުރައްވާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވިދާޅުވެއްޖެއެވެ.
ރައީސް މިފަދައިން ވިދާޅުވެފައި ވަނީ ގދ.ގައްދޫ، ގުލްޒާރުވާދީ، ޙުސައިން ތައުފީޤް، އަމިއްލަ ފަރުދުންނަށް ހެލްތު އިންޝުއަރެންސްގެ ޚިދުމަތް ހޯދުމުގައި ހުންނަ ދަތިތައް ފާހަގަކޮށް އެކަން ހައްލު ކުރުމަށް ސަރުކާރުން އެއްވެސް ކަމެއް ކުރަން ނިންމާފައުވޭތޯ ކުތި ސުވާލަށް ޖަވާބު ދެއްވަމުންނެވެ.
އިންޑިވިޖުއަލް ފަރާތްކުން ނަގާއިރު އެބަދޭ ގާތްގަޑަކަށް 11000-12000 ރުފިޔާ. ދާއިރު އަޅުގަނޑުމެން އިންޝުއަރެންސް ނަގައިގެން ޑޮކްޓަރަށް ދައްކާއިރު މި ޖެހެނީ އަމިއްލައަށް ފައިސާ ދައްކަން. ޕޭ ކޮށްފައި މިޖެހެނީ ބިލްތައް ހުށަހަޅަން. ހުށަހެޅީމަ ގާތްގަނޑަކަށް 14 ދުވަހުން މި އެނގެނީ އެ އިންޝުއަރެންސް ލިބޭކަން ނޫނީ ނުލިބޭކަން. އެހެންވީމާ އަޅުގަނޑުމެންނަށް ޑައިރެކްޓްކޮށް އިންޝުއަރެންސް ކަވަރ ކުރެވޭނެ ގޮތެއް ނެތްތޯ
ރައީސުލްޖުމްހޫރިއްޔާ ޑރ މުހައްމަދު މުޢިއްޒު
އެ ސުވާލަށް ޖަވާބު ދެއްވަމުން ރައީސް މުޢިއްޒު ވިދާޅުވީ، އިންޝުއަރެންސްގެ ނިޒާމަކީ ވަކިގޮތަކަށް، ވަކި އުސޫލުތަކެއް ކަނޑައެޅިފައި އޮންނަ ކަމެއް ކަމަށެވެ.
ތިކަމުގައި އަޅުގަނޑު މަޝްވަރާ ކުރާނަން ކަމާއިބެހޭ ފަރާތްތަކާއި. ދަންނަވާނަން ތިކަމުގައި މިހާރަށްވުރެ ރަނގަޅު ގޮތަކަށް، ޚާއްސަކޮށް އާއްމު ފަރުދުންނަށް، އިންޝުއަރެންސްގެ ނިޒާމުގައި ބައިވެރިވެގެން ކުރިއަށްދާއިރު މިހާރު އޮންނަ ގޮތަށްވުރެ ރަނގަޅު ގޮތަކަށް އެކަން ހަމަޖެއްސޭނެ ގޮތެއްވޭތޯ އަޅުގަނޑު ވާހަކަ ދައްކާނަން
ރައީސުލްޖުމްހޫރިއްޔާ ޑރ މުހައްމަދު މުޢިއްޒު
ސިއްހީ ޚިދުމަތްތަކަށް ސަރުކާރު ހޮސްޕިޓަލުތަކުން އާސަންދަ ލިބުނުކަމުގައި ވިޔަސް، އަމިއްލަ ގިނަ ތަންތަނުން ނުލިބެއެވެ. އެހެންކަމުން އެފަދަ ތަންތަނަށް ދައްކާއިރު އެތަނުން އިންޝުއަރެންސް މެދުވެރިކޮށް ދެއްކޭ ނަމަ، އެއިން ބޮޑުބައި ކަވަރ ކޮށްދެއެވެ.
Advertisement
This content is created and paid for by advertisers and does not involve Voice Journalists
