ޕެންޝަންގެ ފައިދާ އެންމެ ފުރިހަމަ ގޮތުގައި ރައްޔިތުންނަށް ލިބޭނެ ގޮތް ހައްދަވަން ބޭނުންފުޅުވާ ކަމަަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެ އެވެ.
ރައީސް މިހެން ވިދާޅުވީ އާންމުންގެ ސުވާލުތަކަަށް ޖަވާބު ދެއްވުމަށް ކުރިއަަށް ގެންދާ "ރައީސްގެ ޖަވާބު" ގައި ހުޅުމާލެ ފްލެޓް H-16-16-05، ފާޠިމަތު ޙަސަން މަނިކު، ޕެންޝަން ފަންޑަށް ޖަމާވާ ފައިސާ، ވަޒީފާއިން ވަކިވުމާއެކު ލިބޭނެ އިންތިޒާމެއް ހަމަޖެއްސިދާނެތޯ ދެންނެވި ސުވާލަށް ޖަވާބު ދެއްވަމުންނެވެ.
އޭގެ ޖަވާބުގައި ރައީސް ވިދާޅުވީ ޕެންޝަނަށް ފައިސާ ނަގަނީ ވަކި ގާނޫނެއްގެ ދަށުން ކަމަށާ އެހެން ކަމުން ފައިސާ ނަގާ ގޮތް ވެސް ފައިސާ ދޫކުރެވޭނެ ގޮތަށް ވެސް ބަދަލެއް ގެނެވޭނީ ގާނޫނަށް ބަދަލު ގެނެސްގެން ކަމަށެވެ.
ޕެންޝަނަކީ ވަކި ގާނޫނެއްގެ ދަށުން ނަގާ އެއްޗެއް ވީމަ، ސަރުކާރުން އެއަށް ބަދަލު ގެނެވޭނީ ގާނޫނު އިސްލާހު ކޮށްގެން. އަޅުގަނޑު ބޭނުން ޕެންޝަން ސްކީމް ވަރުގަދަ ކުރަން ވެސް އޭގެން އެންމެ ފައިދާވާނެ ގޮތް ރައްޔިތުންނަށް ހަދަން ވެސް
ރައީސުލްޖުމްހޫރިއްޔާ ޑރ މުހައްމަދު މުޢިއްޒު
މިއާއެކު ރައީސް ވިދާޅުވީ ޕެންޝަން ސްކީމާއި ގުޅިގެން ހުރި ކަންބޮޑުވުންތައް ގަބޫލުބކުރެއްވޭ ކަމަށާ އެކަން ހައްލު ކުރުމަށް ގާނޫނު އިސްލާހު ކުރެވޭނީ މަޖިލީސްތެރެއިން ކަމަށެވެ. އަދި އެބަދަލު ގެނެވޭނީ އެފަދަ ފުރުޞަތެެއް މަޖިލިސް ތެރެއިން ލިބިވަޑައިގެންފިނަމަ ކަމަށް ވެސް ވިދާޅުވި އެވެ.
Advertisement
This content is created and paid for by advertisers and does not involve Voice Journalists
