‎ޣައްޒާގެ ދެކުނުގައި އޮންނަ ރަފާ ސިޓީއަށް ހަމަލާދީ އަސްކަރީ އޮޕަރޭޝަނެއް ހިންގުމަށް އިޒްރޭލުން ރުހުން ދީފިއެވެ.‎

‎ނަތަންޔާހޫގެ އޮފީހުން ނެރުނު ބަޔާނެއްގައި ބުނެފައިވަނީ އިޒްރޭލުގެ ބޮޑުވަޒީރު ނަތަންޔާހޫ ވަނީ ރަފާހުގައި އަސްކަރީ އޮޕަރޭޝަނެއް ހިންގުމަށް ރާވާފައިވާ ޕްލޭންތަކަށް ރުހުން ދެއްވާފައި ކަމަށާއި، ‎‎އެކަމަށް އަސްކަރިއްޔާ އިން ދަނީ އޮޕަރޭޝަނަލްކޮށް ތައްޔާރުވަމުން ކަމަށެވެ.‎

‎ފަލަސްތީނުގެ 1.4 މިލިއަނަށް ވުރެ ގިނަ މީހުން ދިރިއުޅޭ ރަފާގައި އަސްކަރީ އޮޕަރޭޝަނެއް ނުހިންގުމަށް ގިނަ ގައުމުތަކުން ވަނީ ‎‎އިޒްރޭލަށް އިންޒާރު ދީފަ އެވެ.‎

‎ފަލަސްތީނުގެ ހަމާސް ޖަމާއަތުން އިސްވެ އޮކްޓޯބަރު މަހުގެ ހަތް ވަނަ ދުވަހު ޣައްޒާއަށް ދިން ހަމަލާގައި ގާތްގަނޑަކަށް 1،200 ‎‎އެއްހާ މީހުން މަރުވި ފަހުން އިސްރާއީލުން ވަނީ ޣައްޒާއަށް ނުރައްކާތެރި އަސްކަރީ ހަމަލާތަކެއް ދޭފަށާފައެވެ.‎

‎އިސްރާއީލްގެ ހަމަލާތަކުގައި މިހާތަނަށް ފަލަސްތީނުގެ ޣައްޒާގައި މިހާތަނަށް 31،490 މީހުން ޝަހީދުވެފައިވާއިރު، އޭގެ ތެރޭގައި ގިނައީ އަންހެނުންނާއި ކުޑަކުދިންނެވެ.‎

‎އިސްރާއީލުން ވަނީ ފަލަސްތީނުގެ އެންކްލޭވް އަށް ވެސް ބޮޑެތި ހުރަސްތަކެއް އަޅައި، އެ ސަރަހައްދުގެ އާބާދީ، ހާއްސަކޮށް ޣައްޒާގެ ‎‎އުތުރުގެ ރައްޔިތުން ބަނޑުހައިހޫނުކަމެއްގެ ތެރެއަށް ވައްޓާލައިފައެވެ.‎

‎އިސްރާއީލު ހަނގުރާމައިގެ ސަބަބުން ޣައްޒާގެ އާބާދީގެ 85 އިންސައްތަ މީހުން ގެދޮރު ގެއްލިފައިވާއިރު، ‎‎ކާބޯތަކެއްޗާއި ސާފު ފެނާއި ބޭސް ފަރުވާގެ ވަސީލަތއްވެސް ހުއްޓުމަކަށް އައިސްފައިވާއިރު، އެންކްލޭވްގެ އިންފްރާސްޓްރަކްޗަރގެ 60 ‎‎އިންސައްތަ ވަނީ ހަލާކުވެ ނުވަތަ ބޭނުން ނުކުރެވޭވަރުވެފައި ކަމަށް އދއިން ބުނެއެވެ.‎

‎ބައިނަލްއަގްވާމީ ކޯޓް އޮފް ޖަސްޓިސްގައި އިޒްރޭލުގެ މައްޗަށް ވަނީ ޖަރީމާހިންގުމުގެ ތުހުމަތުކޮށްފައެވެ. މިދިޔަ ޖެނުއަރީ މަހު ނެރުނު ‎‎ވަގުތީ ހުކުމެއްގައި އެކޯޓުންވަނީ ޣައްޒާގައި ދިރިއުޅޭ އާންމުންނަށް އިންސާނީ އެހީތެރިކަން ފޯރުކޮށްދިނުމަށް ޖިނާއީ އަމަލުތައް ‎‎ހުއްޓާލައި ފިޔަވަޅުތައް އެޅުމަށް ތެލްއަވީވްއަށް އަންގާފައެވެ.‎