މޯލްޑިވްސް ބާސްކެޓްބޯލް އެސޯސިއޭޝަން (އެމްބީއޭ) ގެ ފަރާތުން އިންތިޒާމްކޮށްގެން ކުރިއަށްގެންދިޔަ މައިލޯ ތުރީ އޮން ތުރީ ރަމަޟާން ޗެލެންޖް 2024ގެ ސީނިއާ ބައިގެ ޗެމްޕިއަންކަން ދި ބައުސް އާއި އިންކެޑް އިން ހޯދައިފި އެވެ.

ތުރީ އޮން ތުރީ ސީނިއަ ފިރިހެން ބައި ކެޓަގަރީގެ ޗެމްޕިއަންކަން ދަ ބައުސް އިން ހޯދީ ފައިނަލް މެޗުގައި ޝޫޓާސްއާ ވާދަކޮށް ވަރަށް ވާދަވެރި ކުޅުމަކަށްފަހު 21-18 ޕޮއިންޓުން މެޗު ކާމިޔާބު ކޮށްގެންނެވެ. ބައުސް ޓީމުގައި ހިމެނެނީ، ވިލްދާން، އަމްޒަރު، މަފާޒް އަދި ހުވައިލިދު އެވެ.

ސީނިއާ އަންހެން ބައިގެ ޗެމްޕިއަންކަން އިންކެޑް އިން ހޯދީ ފައިނަލްގައި ރައިސް އާއި ވާދަކޮށް ފަސޭހަކަމާއި އެކު 16-9 ޕޮއިންޓުން މެޗު ކާމިޔާބު ކޮށްގެންނެވެ.

Advertisement

ފައިނަލް މެޗު ޝަރަފްވެރިކޮށްދެއްވީ ސްޕޯޓްސް މިނިސްޓަރު އަބްދުﷲ ރާފިއު އެވެ.