ކޮންމެ އަހަރެއްގެ ރޯދަމަހާ ދިމާކޮށް ސައުދީ އަރަބިއްޔާއިން ރާއްޖެއަށް ހަދިޔާކުރާ ކަދުރު މިއަހަރުވެސް ރާއްޖޭގެ އިސްލާމިކް މިނިސްޓްރީއާ ހަވާލުކޮށްފި އެވެ.
މިކަމަށްޓަކައި މިއަދު ބޭއްވުނު ޚާއްސަ ރަސްމިއްޔާތެއްގައި ކަދުރު ހަވާލުކުރުމާއި ގުޅޭ އެއްބަސްވުމުގައި ސޮއި ކުރައްވައި، ކަދުރުތަކާއި ހަވާލުވެވަޑައިގެންނެވީ އިސްލާމީ ކަންތައްތަކާއިބެހޭ ވުޒާރާގެ ވަޒީރު ޑރ މުހައްމަދު ޝަހީމް ޢަލީ ސަޢީދެވެ.
އެހެން އަހަރު ތަކެކޭ އެއްފަދައިން މި އަހަރުވެސް ސައުދީން ވަނީ 50 ޓަނުގެ ކަދުރު ރާއްޖެއަށް ހަދިޔާކޮށްފަ އެވެ.
ސައުދީ އަރަބިއްޔާއިން ރާއްޖެއަށް ހަދިޔާކުރި ކަދުރު- ފޮޓޯ/ އިސްލާމިކް މިނިސްޓްރީ
ރޯދަ މަހާ ދިމާކޮށް ކޮންމެ އަހަރަކު ވެސް ސައުދީން ރާއްޖެއަށް ކަދުރު ހަދިޔާކުރެ އެވެ. އެގޮތުން ހަދިޔާ ކުރާ ކަދުރު ކޮންމެ ގޭބީސީ އަކަށް މީގެ ކުރިން ބެހި ނަމަވެސް ފަހުން މި ކަދުރު ބަހަމުން އަންނަނީ ފަގީރުންގެ ދަފްތަރުގައި ރަޖިސްޓްރީވެފައިވާ ގެތަކަށެވެ. އެއަށްފަހު ބާކީ ހުންނަ ކަދުރު، އެ ބަލައި ދިޔަ މީހުންގެ ތަރުތީބުން ބަހަ އެވެ.
މި އަހަރު ކަދުރު ބެހުން ކުރިއަށްގެންދާނެ ގޮތެއް މިހާތަނަށް އަދި އިސްލާމިކް މިނިސްޓްރީން ހާމައެއްނުކުރެ އެވެ.
Advertisement
This content is created and paid for by advertisers and does not involve Voice Journalists
