އަމިއްލަ ފަރާތެއްގެ ޚަރަދުގައި ހުޅުމާލޭ ދެވަނަ ފިޔަވަހީގައި މިސްކިތެއް ބިނާ ކުރަން ހަވާލުކޮށްފިއެވެ.
މި މިސްކިތް، ހުޅުމާލެ ފޭސް 2 ލޮޓް ނަންބަރ: 2215 (ޏ5-53)ގައި އަމިއްލަ ފަރާތެއްގެ ހިލޭ އެހީގައި ބިނާކުރުމުގެ އެއްބަސްވުމުގައި ސޮއި ކުރުމުގެ ރަސްމިއްޔާތު އޮތީ މިއަދު އިސްލާމީ ކަންތައްތަކާއި ބެހޭ ވުޒާރާގައެވެ.
އިސްލާމީ ކަންތައްތަކާއިބެހޭ ވުޒާރާއިން ބުނި ގޮތުގައި، ހުޅުމާލެ ފޭސް 2 ލޮޓް ނަންބަރ: 2215 (ޏ5-53)ގައި އަމިއްލަ ފަރާތަކުން ހިލޭ އެހީގައި މިސްކިތެއް ބިނާކުރުމަށް ހަވާލުކޮށްފައިވަނީ މުޙައްމަދު ޔޫސުފް އާއެވެ.
އަދި އެއްބަސްވުމުގެ ދަށުން ހުޅުމާލެ ފޭސް 2 ލޮޓް ނަންބަރ: 2215 (ޏ5-53)ގައި، މިސްކިތެއް ބިނާކުރުމުގެ ހުރިހާ މަސައްކަތްތަކެއްވެސް ކުރާނީ މުޙައްމަދު ޔޫސުފްގެ އަމިއްލަ ޚަރަދުގައެވެ.
މި ސަރުކާރުން، ރާއްޖޭގެ އެކި ކަންކޮޅުތަކުގައި އަމިއްލަ ޚަރަދުގައި މިސްކިތްތައް އަޅަން ބޭނުންވާ ފަރާތްތަކަށް އެ ފުރުސަތު ހުޅުވާލުމާއެކު ގިނަ ފަރާތްތަކުން އަންނަނީ އެކަމަށް ޝައުގުވެރިކަން ފާޅު ކުރަމުންނެވެ.
އެގޮތުން މީގެ ކުރިންވެސް ވަނީ މާލެ އާއި ހުޅުމާލޭގައި މިސްކިތް ބިނާ ކުރުމުގެ އެއްބަސްވުމުގައި ސޮއި ކޮށްފައެވެ.
Advertisement
This content is created and paid for by advertisers and does not involve Voice Journalists
