ދުނިޔޭގެ ޓްރެވަލް އެވޯޑުގެ އިންޑިއަން އޯޝަން އެވޯޑުގެ ނުވަ ކެޓަގަރީއަކުން ރާއްޖެ ނޮމިނޭޓުވެއްޖެއެވެ.
މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރްސީ)އިން ބުނެފައިވާގޮތުން ދުނިޔޭގެ ޓްރެވަލް އެވޯޑުގެ އިންޑިއަން އޯޝަން އެވޯޑުގައި ރާއްޖެ ނޮމިނޭޓުވެފައިވާ ދާއިރާތަކަކީ:
ލީޑިން ޑެސްޓިނޭޝަން
ލީޑިން ބީޗު ޑެސްޓިނޭޝަން
ލީޑިން ޑައިވް ޑެސްޓިނޭޝަން
ލީޑިން ގްރީން ޑެސްޓިނޭޝަން
ލީޑިން ހަނީމޫން ޑެސްޓިނޭޝަން
ލީޑިން ޓޫރިސްޓް ބޯޑު
ލީޑިން އެޑްވަންޗާ ޓޫރިޒަމް
ލީޑިން ކްރޫޒް ޑެެސްޓިނޭޝަން
ލީޑިން ވެޑިން ޑެސްޓިނޭޝަން
މި ކެޓަގަރީތަކުން ރާއްޖެ ހޮވުމަށް ވޯޓުލުމުގެ ފުރުސަތު މިހާރު ވަނީ ހުޅުވައިލައިފައެވެ.
އެމްއެމްޕީއާރްސީން ބުނީ މި ކެޓަގަރީތަކަށް ރާއްޖެ ނޮމިނޭޓުވުމަކީ ފަތުރުވެރިންނަށް ރާއްޖެއިން ރަނގަޅު ތަޖުރިބާއެއް ހޯދައިދިނުމަށް ޓަކައި މަންޒިލެއްގެ ގޮތުގައި ރާއްޖެއިން ކުރާ މަސައްކަތް ހާމަވާ ކަމެއްކަމަށެވެ.
ދުނިޔޭގެ ޓްރެވަލް އެވޯޑަކީ 1993ވަނަ އަހަރު ދޭން ފެށި ފަތުރުވެރިކަމުގެ ދާއިރާގެ އެންމެ މަތީ ފަންތީގެ އެއް އެވޯޑެވެ. މިއީ މި ދާއިރާގެ މަސައްކަތްތެރިންގެ މަސައްކަތްތަކުގެ އަގުވަޒަން ކުރުމުގެ ގޮތުން ދޭ އެވޯޑެކެވެ.
Advertisement
This content is created and paid for by advertisers and does not involve Voice Journalists
