އިންޓަނޭޝަނަލް އެއިޑް ކެންޕެއިން، އައިއޭސީން ކުރިއަށްގެންދާ ލޯތްބާއެކު ކެންޕެއިންގެ ތެރެއިން ޔަަމަނުގައި ދިރިއުޅެމުންދާ ރައްޔިތުންނަށް 1،600،000 ލީޓަރުގެ ފެން ފޯރުކޮށްދީފިއެވެ. 

ޔަމަނަކީ މުޅި ދުނިޔޭގައިވެސް ފެނުގެ ދަތިކަން އެންމެ ބޮޑު އެއް ޤައުމެވެ. އެތަނުގެ ރައްޔިތުން ސާފު ބޯފެނާ ނުލާ އުޅޭތާ އެތައް އަހަރުތަކެއް ވެފައިވާއިރު،  ޔަމަނުގެ އާބާދީގެ ދެބައިކުޅަ އެއްބަޔަކީ އެކަށީގެންވާ ފެން ނުލިބޭ މީހުންނެވެ.

އެހެންކަމުން، އައިއޭސީން ކުރިއަށް ގެންދާ ލޯތްބާއިއެކު ކެމްޕެއިންގެ ތެރެއިން ޔަމަންގައި 1،600،000 ލީޓަރުގެ ސާފު ފެން ބެހުމުގެ މަސައްކަތް މިހާރު ފަށާފައިވާ ކަމަށް އެ ޖަމިއްޔާއިން ބުނެއެވެ.

އަދި މިއީ ދިވެހިންގެ އެހީގައި ޔަމަނުގެ ރައްޔިތުންނަށް ދެވިގެންދާ ވަރަަށް ބޮޑު އެހީކަށް ވެގެންދާނެ ކަމަށްވެސް އެ ޖަމިއްޔާއިން ބުނެފައިވެއެވެ.

.

އައިއޭސީން އިތުރަށް ބުނީ، ފެން ފޯރުކޮށްދިނުމުގެ އިތުރުންވެސް އައިއޭސީން ދަނީ ޔަމަނުގައި ދެމެހެއްޓިނިވި ގޮތެއްގައި ފެން ފޯރުކޮށްދިނުމަށް ފެނުގެ ވިއުގައެއް ބިނާކުރުމުގެ މަސައްކަތް ކުރަމުން ކަމަށެވެ. 

އަދި އެކަމަށް އެހީތެރިވާން ބޭނުންވާ ފަރާތްތަކަށް ތިރީގައިވާ ލިންކު މެދުވެރިކޮށް އެހީ ފޯރުކޮށްދެވޭނެ ކަމަށް ބުނެފައިވެއެވެ. 

https://iac.mv/yemen-water-project/

ޔަމަނުގެ އިތުރުންވެސް އައިއޭސީން އަންނަނީ ދުނިޔޭގެ އެކި ކަންކޮޅުތަކުގައި ހާލުގައި ޖެހުފައިވާ މުސްލިމުންނަށް ސާފު ބޯފެނާއި، ކާބޯތަކެއްޗާއި އެނޫންވެސް އަސާސީ ޚިދުމަތްތައް ކެނޑިނޭޅި ފޯރުކޮށްދެމުނެވެ.