މި ބަރަކާތްްތެރި ރަމަޟާން މަހުގެ ކޮންމެ ދުވަހަކު ބަންގްލަދޭޝްގެ 500 މުސްލިމުންނަށް ރޯދަ ވީއްލުމެއް ދިނުމުގެ ޕްރޮގްރާމެއް އިންޓަނޭޝަނަލް އެއިޑް ކެންޕެއިން، އައިއޭސީން ބަންގްލަދޭޝްގައި ފަށައިފިއެވެ. 

އައިއޭސީން ކުރިއަށް ގެންދާ ރޯދަވީއްލުމުގެ ޕްރޮގްރާމްތަކުގެ ތެރެއިން މި ރޯދަމަހުވެސް ބަންގްލަދަެޝްގައި ރޯދަވީއްލުމުގެ ޕްރޮގްރާމް ކުރިއަށް ގެންދާ ކަމަށް އެ ޖަމިއްޔާ އިން ބުނެފައިވެއެވެ.

އެގޮތުން ބަންގްލަދޭޝް އަށް ޚާއްސަކޮށްގެން ކުރިއަށް ގެންދާ މި ޕްރޮގްރާމް ގައި، ދުވާލަކު 500 މީހުންނަށް ރޯދަ ވީއްލުން ދެވިގެންދާނެ ކަމަށް އައިއޭސީން ބުނެފައިވެއެވެ. 

Advertisement

ބަންގލަދޭޝްގެ ރައްޔިތުންނަށް ކުރިއަށް ގެންދިޔަ ރޯދަ ވީއްލުމުގެ ތެރެއިން- ފޮޓޯ/ އައިއޭސީ

އައިއޭސީން އިތުރަށް ބުނީ ދުނިޔޭގެ އެކި ކަންކޮޅުތަކުގައި އުޅޭ ދިވެހިންނަށް ރޯދަވީއްލުމާއި ކާބޯތަކެތީގެ ޕެކޭޖް ފޯރުކޮށްދިނުމަށް އެހީވުމުގެ ފުރުސަތު މިހާރުވެސް ދިވެހިންނަށް ހުޅުވާލެވިފައިވާ ކަމަށެވެ. 

އެގޮތުން އެހީވާން ބޭނުންވާ ފަރާތްތަކުން އަންނަނިވި އެކައުންޓަށް ފައިސާ ޖަމާކުރުމުން އެކަން ހަމަޖެހިގެންދާނެ ކަމަށް އެ ޖަމިއްޔާއިން ބުނެއެވެ. 

ބީއެމްއެލް އިސްލާމިކް

އެކައުންޓް ނަމްބަރު: 7770000062740

އެކައުންޓް ނަން: International Aid Campaign

އެކައުންޓް ލޭބަލް: IAC | SEASONAL

އައިއޭސީގެ ޕްރޮޖެކްޓް އަގުތައް ހެދިފައިވާނީ ޕްރޮޖެކްޓް ހިންގުމާއި ބެލެހެއްޓުމާއި، ދެމެހެއްޓުމާއި، އިދާރީ ހިންގުމާއި ތަރައްގީއަށް ދާނެ ކަމަށް ލަފާކުރެވޭ ޚަރަދުތައް ހިމެނޭގޮތަށް އެވަރެޖް 12.5 ޕަސެންޓު ހިމެނޭގޮތަށެވެ.