ބޭނުން އަދަދަކުން ފައިސާ ހަދިޔާ ކޮށްގެން މިސްކިތެއް އެޅުމަށް އެހީވުމުގެ ފުރުސަތު އިންޓަނޭޝަނަލް އެއިޑް ކެންޕެއިނުން ހުޅުވާލައިފިއެވެ. 

އައިއޭސީން ބުނީ މިއީ ދެމިގެންދަނިވި ޞަދަޤާތް ތަކަށް ޙާއްސަކުރެވިފައިވާ ތަޖްރީ ޕްރޮޖެކްގެ ދަށުން ހުޅުވާލެވިފައިވާ ފުރުސަތެއް ކަމަށެވެ. އެގޮތުން މި ޕްރޮޖެކްޓަށް އެހީތެރިކަން ދޭން ބޭނުންވާ ފަރާތްތަކަށް ބޭނުން އަދަދަކުން، ބޭނުން މިނަވަރަކަށް، ބޭނުން އިރަކު ޑޮނޭޓް ކުރެވޭނެ ކަމަށެވެ. 

މިފަހަރު ތަޖްރީގެ ތެރެއިން 2 މިސްކިތެއް އެޅުމަށް އައިއޭސީއިން އަންނަނީ މަސައްކަތް ކުރަމުންނެވެ. އެއީ ބެނިން އާއި ނައިޖީރިއާގައި އަޅާ ދެ މިސްކިތެވެ. 

ތަޖްރީގެ ޕޯސްޓަރ އެއް

އައިއޭސީގެ ތަޖްރީ ޕްރޮޖެކްޓަށް ކޮންމެ ވަގުތަކުވެސް ކޮންމެ އަދަދެއްވެސް ދެވޭ އިރު އެއީ ދެމިގެންދަނިވި ޞަދަޤާތުގެ ފަންޑެކެވެ. އެގޮތުން، މިސްކިތް ބިނާ ކުރުމުގެ އިތުރުން ސްކޫލް، ކޮމިޔުނިޓީ ސެންޓަރު ފަދަ ދެމެހެއްޓެނިވި ސަދަގާތްތަށް ދިވެހިންގެ ދީލަތި އެހީ އާއިއެކު މި ޕްރޮޖެކްޓް ގެ ދަށުން އައިއޭސީން ކުރިއަށް ގެންދެއެވެ. 

މިސްކިތް އެޅުމަށް އެހީވާން ބޭނުންވާ ފަރާތްތަކުން އަންނިވި އެކައުންޓަށް ޓްރާންސްފަރ ކޮށްލުމަށް އައިއޭސީން ބުނެފައިވެއެވެ.

ބީއެމްއެލް އިސްލާމިކް

އެކައުންޓް ނަމްބަރު: 7770000062742

އެކައުންޓް ނަން: International Aid Campaign

އެކައުންޓް ލޭބަލް: IAC | SADAQA JAARIYA

އައިއޭސީގެ ތަޖްރީ ޕްރޮޖެކްޓްގެ ދަށުން އިންޑޮނޭޝިޔާ، ނައިޖާ އަދި ސީރިޔާގައި  މިސްކިތް ބިނާ ކޮށް ނިންމައި ހުޅުވާފައިވާކަން ފާހަގަކޮށްލަން ޖެހެއެވެ.

އައިއޭސީގެ ޕްރޮޖެކްޓް އަގުތައް ހެދިފައިވާނީ ޕްރޮޖެކްޓް ހިންގުމާއި ބެލެހެއްޓުމާއި، ދެމެހެއްޓުމާއި، އިދާރީ ހިންގުމާއި ތަރައްގީއަށް ދާނެ ކަމަށް ލަފާކުރެވޭ ޚަރަދުތައް ހިމެނޭގޮތަށް އެވަރެޖް 12.5 ޕަސެންޓު ހިމެނޭގޮތަށެވެ.