ދަރުމަވަންތަ މިސްކިތުގައި ހަރުކޮށްފައި ހުރި ދެ ފަންކާ ވަގަށް ނަގައިފި އެވެ.
މިކަން ހާމަކޮށް މާލެ ސިޓީ ކައުންސިލުން އެކްސްގައި ކުރި ޕޯސްޓެއްގައި ބުނީ، ދަރުމަވަންތަ މިސްކިތުގެ ފާރުގައި ހަރުކޮށްފައި ހުރި ދެ ފަންކާ ވަގަށް ނަގައިގެން ގެންގޮސްފައިވަނީ ރޭގެ ވަގުތެއްގައި ކަމަށެވެ. އަދި އެ މައްސަލަ މިހާރު ފުލުހަށް ހުށަހަޅާފައިވާ ކަމަށް ވެސް ބުންޏެވެ.
މި ބަރަކާތްތެރި ރަމަޟާން މަސް އައި ފަހުން މާލޭގެ ބަންޑާރަ މިސްކިތުގެ އަންހެނުންގެ ފާހާނާ ތައްޓާއި ވިޔަފާރިވެރިންގެ މިސްކިތުގެ އަންހެނުން ވުޟޫކުރާ ބައިގެ ފެން އިސްކުރުތަކަށްވެސް ބަޔަކު ގެއްލުންދީފައިވެއެވެ.
އެ މައްސަލަ ވެސް ފުލުހުންނަށް ރިޕޯޓްކޮށްފައިވާ ކަމަށް މާލެ ސިޓީ ކައުންސިލުން ބުނެފައިވެއެވެ.
މީގެ އިތުރުން ރޯދަމަސް އައި ފަހުން މާލޭގައި ވައްކަމުގެ މައްސަލަތައް ވަނީ އިތުރުވާން ފަށާފައެވެ. ޚާއްސަކޮށް ސްޓެލްކޯގެ ޓްރާސްފޯމަރ ވަގަށް ނަގާ މައްސަލަތަކެއް ފެންމަތިވެގެން ގޮސްފައިވާއިރު، ހުޅުމާލެ 2 ގައި ހިޔާ ފްލެޓްތައް ކައިރީގައި ހުރި ސްޓެލްކޯގެ ޓްރާންސްފޯމަރަކުން ވައްކަން ކުރުން އުޅުނު މީހަކު ކަރަންޓުގައި ޖެހިގެން އެމީހާ ނިޔާވެ ހިތާމަވެރި ހާދިސާ އެއްވެސް ހިނގާފައިވެއެވެ.
Advertisement
This content is created and paid for by advertisers and does not involve Voice Journalists
