މި އަަހަރުގެ ރަމަޟާން މަހަށް ސަރުކާރުން ކޮންމެ ގޭބީސީ އަކަށް ހަދިޔާކުރި ކާޑުގެ ބާވަތްތައް ކަމަށްވާ ހަނޑުލާއި ފުށް މާލެ ސަރަހައްދުން ނުގެންދެވުނު ފަރާތްތަކަށް އެސްޓީއޯ ކާޑު ގުދަނުން ލިބޭނެ އިންތިޒާމު ހަމަޖައްސައިފިއެވެ.

އެސްޓީއޯ އިން ބުނީ، ރޯދަމަހަށް ހާއްސަކޮށްގެން ސަރުކާރުގެ ފަރާތުން ކޮންމެ ގޭބީސީއަކަށް ހަދިޔާ ކުރައްވާ 10 ކިލޯ ބާސްމަތީ ހަނޑޫ އަދި 10 ކިލޯ ފުށް ނުގެންދެވި ހުރި ފަރާތްތަކަށް 04 އެޕްރީލް 2024 އިން ފެށިގެން 09 އެޕްރީލް 2024 ނިޔަލަށް އެސްޓީއޯ ކާޑު ގުދަނުން ދޫކުރާނެ ކަމަށެވެ.

މިތަކެތި ދޫކުރުމަށް ހަމަޖެހިފައިވަނީ ހުކުރުދުވަސް ފިޔަވާ ކޮންމެ ދުވަހެއްގެ ހެނދުނު 10:00 އިން މެންދުރު 13:00 އަށް ކަމަށާއި،  ހަދިޔާ ދޫކުރަން ހަމަޖެހިފައިވަނީ ކުރިން ފަހަރެކޭ އެއްގޮތަށް ދިވެހިންނަށް ކަމަށް އެސްޓީއޯ އިން މައުލޫމާތު ދެއެވެ.

Advertisement

މިގޮތުން ހަދިޔާ ދޫކުރާނީ  ޑޮމެސްޓިކް ކަރަންޓް މީޓަރުގެ ނަންބަރަށް ބެލުމަށްފަހު ބަލައި އަންނަ ފަރާތުގެ ދިވެހި ރައްޔިތެއްކަން އަންގައިދޭ އައިޑީ ކާޑް ނަންބަރު ނޯޓު ކުރުމަށްފަހުގައި ކަމަށް ވެސް އެސްޓީއޯ އިން ވަނީ ބުނެފައެވެ.