މިއަހަރުގެ ރަމަޟާން މަހަށް ހަދިޔާ ކުރާ ކަދުރު ސައުދީން ރާއްޖެއާއި ހަވާލު ކޮށްފައިވަނީ މިދިޔަ މަހު 21 ވަނަ ދުވަހުއެވެ. ސައުދީ އެމްބަސީ އިން ބުނި ގޮތުގައި އެ ގައުމުން ރާއްޖެއަށް 50 ޓަނުގެ ކަދުރު ހަދިޔާ ކޮށްފައިވެއެވެ. 

ކަދުރު ބެހުމާއި ގުޅޭގޮތުން އިސްލާމިކް މިނިސްޓްރީން އިއްޔެ ބުނީ މިއަދުން ކަދުރު ބަހަން ފަށާނެ ކަމަށެވެ.

އެގޮތުން ކަދުރު ބަހާނީ؛

Advertisement

އޭޕްރިލް އަަށަކުން ނުވަޔަކަށް މެންދުރު 1:00 އިން 3:00 އަށް

އޭޕްރިލް 14 އިން 18 އަށް މެންދުރު 1:00 އިން 3:00 އަށް

އޭޕްރިލް 23 އިން 25 އަށް ހެނދުނު 9:30 އިން 12:00 އަށް

މިނިސްޓްރީން އިތުރަށް ބުނީ މާލެ އާއި، ވިލިމާލޭ އަދި ހުޅުމާލޭގައި ދިރިއުޅޭ މީހުންނަށް ކަދުރު ބަހާނީ މިނިސްޓްރީ އޮފް އިސްލާމިކް އެފެއާޒުން ކަމަށާ ކޮންމެ ގޭބީސީއަކަށް އެއް ޕަކެޓް ކަދުރު ދެވޭނެ ކަމަށެވެ. އަދި ކަދުރު ހަވާލު ކުރާނީ މީހެއްގެ ދިވެހި ރައްޔިތެއްކަން އަންގައިދޭ ކާޑަށް ބެލުމަށްފަހު ކަމަށެވެ.

ރަށް ރަށުގައި ކަދުރު ބެހުމުގެ ކަންކަން ކުރިއަށް ގެންދަނީ އެ ރަށެއްގެ ކައުންސިލުންނެވެ.