ތ. އަތޮޅުގެ ފަޅު ރަށަކަށް ދަތުރު ގޮސް އުޅުނު އަންހެން ކުއްޖަކު ގެނބިގެން ނިޔާވެއްޖެ އެވެ.

ފުލުހުން މިއަދު ބުނީ، ތ. އަތޮޅު ވިލުފުށި ކައިރީގައި އޮންނަ ފަޅު ރަށަކަށް ދަތުރު ގޮސް އުޅުނު ކުއްޖަކު ގެނބިގެން ވިލުފުށި ސިއްހީ މަރުކަޒަށް ގެންދާ ކަަމަށް މިއަދު މެންދުރު 12:45 ގައި ފުލުހުންނަށް ރިޕޯޓުކޮށްފައިވާ ކަަމަށެވެ.

ފުލުހުން ބުނީ އެ ކުއްޖާ ސިއްހީ މަރުކަޒަށް ގެންދިޔައިރުވެސް ނިޔާވެފައިވާ ކަމަށް އެ މަރުކަޒުން މައުލޫމާތު ދީފައިވާ ކަމަށެވެ.

ގެނބިގެން ނިޔާވި، 17 އަހަރުގެ ދިވެހި އަންހެން ކުއްޖެކެވެ. ނަމަވެސް އެއީ ކޮން ރަށެއްގެ ކުއްޖެއްކަމެއް ސާފެއް ނުވެއެވެ.

ފުލުހުން އަންނަނީ މި މައްސަލަ އިތުރަށް ތަހުގީގުކުރަމުންނެވެ.