ކ. ގުޅީފަޅު ހިއްކުމަށް ނިމިދިޔަ ސަރުކާރުން ފެށި މަޝްރޫއުގެ ދަށުން އެ ފަޅުގެ ބިން އެއްކޮށް ހިއްކާ ނިމިފަައިވާ ކަމަށް އިންފްރާންސްޓަކްޗާ އެންޑް ކޮންސްޓްރަކްޝަން މިނިސްޓްރީން މިއަދު ބުނެފިއެވެ.

މިނިސްޓްރީން ކުރި ޕޯސްޓެއްގައި ބުނީ ގުޅީފަޅުގެ ބިން ހިއްކުން ނިންމާލީ އިއްޔެ ކަމަށާއި މި މަޝްރޫއުގެ 18 މިލިއަން ކިއުބިކް މީޓަރުގެ ވެލި އަޅާފައިވާ ކަމަށެވެ.

ގުޅީފަޅު، ދެ ބިލިއަން ރުފިޔާ އަށް 65 ހެކްޓަރުގެ ބިން ހިއްކާ ގޮތަށް 2019 ވަނަ އަހަރު ބޮސްކާލިސްއާ ހަވާލު ކުރި ނަމަވެސް ރައީސް ޑރ. މުހައްމަދު މުއިއްޒު ވަނީ ގުޅިފަޅަށް އިތުރު 85 ހެކްޓަރު އިތުރުކޮށް، 150 ހެކްޓަރު ހިއްކާ ގޮތަށް ހަމަޖައްސަވައިފައެވެ.

Advertisement

ކުރީ ސަރުކާރުގެ 'ބިންވެރިޔާ ސްކީމް' އާއި 'ގެދޮރުވެރިޔާ ސްކީމް'ގެ ދަށުން ހުޅުމާލެއާއި ހުޅުމާލެއިން މަދުވެގެން 1000 ގޯއްޗާއި ގުޅީފަޅުން މަދުވެގެން 2000 ގޯއްޗާއި ގިރާވަރު ފަޅު ހިއްކައިގެން ވެސް މަދުވެގެން 2000 ގޯތި މާލޭ ރަށްވެހިންނަށް ދޭން އޭރުގެ ރައީސް އިބްރާހީމް މުޙައްމަދު ޞާލިޙް ނިންމަވައިފައިވެއެވެ. 

ނަމަވެސް، މި ސަރުކާރުން ގުޅިފަޅަށާއި ގިރާވަރުފަޅުގެ ލޭންޑްޔޫޒް ޕްލޭން ބަދަލުކޮށް، އެ ބަދަލާއެކު، އެތަނުން ދޫކޮށްފައިވާ އަދަދަށް ގޯތި ނުނެގޭތީ، ގުޅީފަޅަށް 1،347 ގޯތި ބަދަލުކުރަން ނިންމާފައިވެއެވެ.