ރޭސިންގ އަދި ޑްރިފްޓް ސްޕޯޓްސް އެރީނާއެއް ތަރައްޤީކުރުމަށް މިނިސްޓްރީ އޮފް ސްޕޯރޓްސް، ފިޓްނެސް އެންޑް ރިކްރިއޭޝަން އާއި ހައުސިންގ ޑިވެލޮޕްމެންޓް ކޯޕަރޭޝަނުން އެއްބަސްވުމުގައި ސޮއިކޮށްފި އެވެ.
މި އެއްބަސް ވުމުގައި ސޮއިކޮށްފައިވަނީ މިނިސްޓްރީ އޮފް ސްޕޯރޓްސް، ފިޓްނެސް އެންޑް ރިކްރިއޭޝަންގެ ފަރާތުން މިނިސްޓަރ އަބްދުﷲ ރާފިއު އަދި ހައުސިން ޑިވެލޮޕްމަންޓް ކޯޕަރޭޝަންގެ ފަރާތުން މެނޭޖިންގ ޑިރެކްޓަރ އިބްރާހިމް ފަޒުލް ރަޝީދެވެ.
މި ސްޕޯޓްސް އެރީނާއަކީ ދިވެހި ރާއްޖޭގައި މޮޓޯރ ސްޕޯރޓްސްއަށް އެކަށީގެންވާ ސަރަހައްދެއް ތަރައްޤީ ކުރެވިފަިއ ނުވާތީ ދިމާވާ މައްސަލަތައް ޙައްލުކޮށްދިނުމުގެ މަޤްސަދުގައި ސަރުކާރުން ޚާއްސަ ސަމާލު ކަމެއް ދީގެން ކުރިއށް ގެންދާ މަޝްރޫޢެއް ކަމަށް އެޗްޑީސީން ބުނެއެވެ.
މި އެރީނަ ތަރައްޤީކުރުމުން ރައްކާތެރިކަމާއެކު މޮޓޯރ ސްޕޯރޓްސް ގެ ޙަރަކާތްތައް ރާއްޖޭގައި ކުރިއަށް ގެންދިޔުމުގެ ފުރުސަތު ފަހުވެގެން ދާނެ ކަމަށްވެސް ބުނެފައިވެއެވެ.
ހައުސިން ޑިވެލޮޕްމަން ކޯޕަރޭޝަނަކީ ޒުވާނުންގެ ހުނަރުތައް ތަރައްޤީކުރުމުގައި އެހީތެރިވެދިނުމުގެ ގޮތުން، ތަފާތު ކުޅިވަރުތަކުގައި ބައިވެރިވުމުގެ ފުރުސަތު ފަހި ކޮށްދޭން އަބަދުވެސް މަސައްކަތް ކުރާ ކޯޕަރޭޝަނެކެވެ.
Advertisement
This content is created and paid for by advertisers and does not involve Voice Journalists
