އިދިކޮޅު އެމްޑީޕީގެ ލީޑާޝިޕްގައި ތިއްބެވި ހުރިހާ ބޭފުޅުން އިސްތިއުފާ ދޭންޖެހޭކަމަށް މާފަންނު މެދު ދާއިރާގެ މެމްބަރު އިބްރާހީމް ރަޝީދު (ބޮންޑޭ) ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަފުޅު ދައްކަވަމުން އިބްރާހިމް ރަޝީދު ވިދާޅުވީ، ކުރީ ސަރުކާރު ވީފަދައިން މި ސަރުކާރުން ރައްޔިތުންނަށް އަނިޔާވެރި ނުވާނެ ކަމުގެ ޔަގީންކަން އެބައޮތް ކަމަށެވެ.
"ރައީސް ނަޝީދު އަވަހާރަކޮށްލަން ބޮން ގޮއްވާލާ އަދި ރައްޔިތުންގެ މަޖިލީހުގައި ތިބެގެން ފުރައްސާރަކޮށް، އެމްޑީޕީގެ އެތައް ބަޔަކަށް ނުވަތަ ރައްޔިތުންނަށް ނަފްސާނީ ބަލި ޖެއްސިފަދައިން ބަލި ނުޖައްސާނެ ކަން އަޅުގަނޑަށް އިނގޭ."
އިބްރާހިމް ރަޝީދު ވިދާޅުވިއެވެ.
ސިއްހީ ހިދުމަތަށް އިސްލާހު ގެނައުމުގެ ބިލާއި ގުޅޭގޮތުން ބަހުސް ކުރައްވަމުން އިބްރާހިމް ރަޝީދު ވިދާޅުވީ، މިދިޔަ ސަރުކާރުން ވެންޓިލޭޓަރުތަކުން ވެސް ކޮށްފައިވަނީ ވައްކަން ކަމަށާއި، މި ސަރުކާރަށް ރައްޔިތުން މެޖޯރިޓީ ދިނީ މިފަދަ ސަބަބުތަކަށްޓަކައި ކަމަށެވެ.
އެމްޑީޕީގެ ލީޑަރޝިޕް ބަދަލުކޮށްގެން ނޫނީ ރާއްޖެ އަށް ސިޔާސީ ކަންކަމާއިގެން ކުރިއަށް ދެވޭނެ މަގެއް ނެތް ކަމަށާއި، އެމްޑީޕީގެ ލީޑަރޝިޕްގައި މިހާރު ތިބި ފަރާތްތައް އިސްތިއުފާދޭން ޖެހޭކަން ފާހަގަކުރައްވާ އިބްރާހިމް ރަޝީދު ވިދާޅުވީ، މިއީ ޕާޓީއެއްގެ ނަމުގައި ގޭންގެއް އޮޕަރޭޓްކުރާ ފަދައިން މަސައްކަތް ކުރުމުން ވީގޮތް ކަމަށެވެ.
"މިހާރު އެމްޑީޕީ އިސް ފަރާތްތައް. އެހެންވީމަ އެމްޑީޕީގެ ލީޑާޝިޕް ބަދަލުކޮށްގެން ނޫނީ ރާއްޖެއަކަށް ނެތް ސިޔާސީ ކަންކަމާއިގެން ކުރިއަށް ދެވޭނެ މަގެއް. ފުރަތަމަ ބަދަލުވާންނީ އެމްޑީޕީ ލީޑާ ޝިޕް. މިހާރު އެމްޑީޕީ ލީޑާޝިޕްގައި ތިބި ހުރިހާ ފަރާތްތަކުން އިސްތިއުފާ ދޭންޖެހޭ."
އިބްރާހިމް ރަޝީދު ވިދާޅުވިއެވެ.
މީގެ އިތުރުންވެސް އިބްރާހިމް ރަޝީދު ވިދާޅުވީ ރައީސުލްޖުމްހޫރިއްޔާ އަޒުލު ކުރަން ޖެހޭ ކަމަށް ކުރީގެ ރައީސް އިބްރާހިމް މުހައްމަދު ޞާލިހު ވިދާޅުވި ހިސާބުން ރައްޔިތުން އެކަން ނުކުރެވޭނެ ކަމަށް ނިންމައި އަޒުލް ނުކުރެވޭނެ ގޮތް ހަދާފައިވާ ކަމަށެވެ.
Advertisement
This content is created and paid for by advertisers and does not involve Voice Journalists
