މަސްތުވާތަކެތި ބޭނުންކޮށް ގެންގުޅެ ވިޔަފާރިކުރިކަމުގެ ތުހުމަތުގައި ހައްޔަރު ކުރި އަންހެނަކާއި ފިރިހެނެއްގެ ބަންދުގެ މުއްދަތު ޖަހައިފިއެވެ.

އަންހެން މީހާއާއި ފިރިހެން މީހާގެ ކޯޓު އަމުރުގައިވާ ގޮތުން އެ ދެ މީހުންނަކީވެސް ދިވެހިންނެވެ. އަދި އޭގެ ތެރެއިން އަންހެން މީހާގެ އުމުރަކީ 30 އަހަރެވެ. ފިރިހެން މީހާ އަކީ 26 އަހަރުގެ މީހެކެވެ. ދެމީހުންވެސް ހައްޔަރު ކުރީ މި މަހު 26 ވަނަ ދުވަހު އެވެ.

އަދި އެ ދެ މީހުންގެ މުއްދަތު ޖެހުމަށް މި މަހުގެ 27 ވަނަ ދުވަހު ހާޒިރުކުރުމުން އަންހެން މީހާއަށް 10 ދުވަސް ޖަހާފައި ވާއިރު ފިރިހެން މީހާއަށް ޖަހާފައިވަނީ 15 ދުވަހެވެ.

Advertisement

އެމީހުން ބަންދުގައި ބެހެއްޓުމަށް އަމުރުކުރީ ދެ މީހުން އުޅޭ އެޕާޓްމެންޓުން މަސްތުވާތަކެތިކަމަށް ޝައްކުކުރެވޭ ގިނަ އަދަދެއް ތަކެއްޗާއި ބަނގުރާފުޅިއެއް ފެނިފައިވާ ކަމަށް ސީނަށް ދިޔަ ފުލުހުންގެ ބަޔާނުން އެނގޭތީ ކަމަށް އަމުރުގައި ބުނެފައިވެއެވެ. 

އަދި އެޕާޓްމެންޓްގެ ކޮޓަރިއެއްގެ އަލަމާރި ބަލާ ފާސްކޮށް ނެގި ބެކްޕެކް ދަބަހުން 900 ރަބަރު ޕެކެޓާއި އެ އަލާމާރީގެ ޑްރޯވާއެއްގެ ތެރެއިން ޑިޖިޓަލް ކައްޓާއަކާއި 33 ސެލޯފިންކޮޅު ފެނިފައިވާ ކަމަށް ފުލުހުން ބުނެފައިވާ ކަން ކޯޓު އަމުރުގައި ވެއެވެ.