މޫސުމަށް އަންނަ ބަދަލުތަކާއި އެއާ ގުޅިގެން އަންނަ ކަންކަމަށް ބަލާއިރު، އަންނަ މަހުގެ ކަރަންޓު ބިލުވެސް ބޮޑުވާނެ ކަމަށް ލަފާކުރެވޭ ކަމަށް ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ ރޭ ވިދާޅުވެއްޖެއެވެ.

ދައުލަތުގެ މީޑިއާގެ “ރާއްޖެ މިއަދު” ޕްރޮގްރާމްގައި މިދިޔަ މަހުގެ ކަރަންޓް ބިލު ބޮޑުވުމުގެ ޝަކުވާތައް ރައްޔިތުންގެ ފަރާތުން ވަރަށް ބޮޑަށް ލިބިފައިވާކަން ފާހަގަކޮށް، ކަރަންޓް ބިލު ބޮޑުވުމަށް މެދުވެރިވާ ސަބަބުތަކާއި އެ މައްސަލަ ކުޑަ ކުރުމަށް ކުރެވޭނެ ކަންކަމާައި ގުޅިގެން ކުރެވުނު ސުވާލަށް ޖަވާބު ދެއްވަމުން ފަހުމީ ވިދާޅުވީ ކޮންމެ އަހަރެއްގެ ހޫނު މޫސުމާ ދިމާކޮށް ގޭބީސީތަކުގެ ކަރަންޓު ބިލު ބޮޑުވާ ކަމަށެވެ.

މިއާއެކު ފަހުމީ ވިދާޅުވީ، މިމަހުގެ ބިލު ބޮޑުކަން ސްޓެލްކޯއިންވެސް ގަބޫލު ކުރާ ކަމަށާ، މީގެ ކުރީ އަހަރު ތަކާއި މި އަހަރުގެ ކަރަންޓް ބިލުގެ އެނާލިސިސް ހަދާލާއިރު މިމަހުގެ ބިލު ބޮޑުކަން އެނގޭ ކަމަށެވެ. ނަމަވެސް އެ ކަރަންޓް ބިލު ބޮޑުވަނީ ސްޓެލްކޯއިން ކަމެއް ކޮށްގެން ނޫން ކަމަށް އޭނާ ވިދާޅުވިއެވެ. 

ފަހުމީ ވިދާޅުވީ ކަރަންޓު ބިލު ބޮޑުވާ މައްސަލަ ހައްލު ކުރެވެން އޮތީ އިންސިޔުލޭޝަން ރަނގަޅު ކުރުމާއި ކަރަންޓް އިގްތިޞާދުކޮށްގެން ކަމަށެވެ.

މިއާއެކު ކަރަންޓް ބިލު ދެގުނަ ބޮޑުވުމުގެ ފުރުސަތު އޮތްތޯއާއި އެހެން އެކަންވަނީ ކީއްވެތޯ ކުރެވުނު ސުވާލަށް ޖަވާބު ދެއްވަމުން ފަހުމީ ވިދާޅުވީ،

މީގެ އިތުރުން ފަހުމީ ވަނީ ކަރަންޓް ޚަރަދު އެންމެ ބޮޑުވަނީ. ފިނި ކުރުމަށް ބޭނުންކުރާ، އޭސީ އަދި ފްރިޖު ކަހަލަ ތަކެތިން ކަން ފާހަގަކުރައްވައި ކަރަންޓް ޚަރަދު ކުޑަ ކުރުމަށް ކުރެވިދާނެ ކަންކަންވެސް ވިދާލުވެދެއްވާފައެވެ. އެއީ؛

1) އިންސިޔުސޭޝަން ރަނގަޅު ކުރުން

2) އޭސީގެ ފިނި ހޫނުމިން 16 ގައި ބެހެއްޓުމުގެ ބަދަލުގައި 25-26 ޑިގްރީ ސެލްސިއަސްގައި އަބަދުވެސް ބެހެއްޓުން.