އިގިރޭސި ޕްރެމިއާ ލީގުގެ އާސެނަލްއަށް ކުޅެމުން އަންނަ އިޓަލީގެ ތަޖުރިބާކާރު މިޑްފީލްޑަރު ޖޯޖީނިއޯ އެޓީމާއެކު ހަދާފައިވާ އެއްވަސްވުން އިތުރު އެއް އަހަރަށް އިތުރުކޮށްފިއެވެ.
2023 ވަނަ އަހަރުގެ ޖެނުއަރީ މަހު 12 މިލިއަން ޔޫރޯގެ ޓްރާންސްފާ ފީއެއްގެއި ވާދަވެރި ޗެލްސީ ދޫކޮށް އުމުރުން 32 އަހަރުގެ މިޑްފީލްޑަރު އާސެނަލް އާއި ގުޅިފައިވަނީ 18 މަސްދުވަހުގެ އެއްބަސްވުމެއްގެ ދަށުންނެވެ. އަދި މިހާތަނަށް އޭނާ ވަނީ އާސެނަލް ޖާޒީގައި 51 މެޗު ކުޅެފައެވެ.
އިޓަލީގެ ނަޕޯލީން 2018 ވަނަ އަހަރު 50 މިލިއަން ޔޫރޯގެ ޓްރާންސްފާ ފީއެއްގެއި ފަސް އަހަރު ދުވަހުގެ އެއްބަސްވުމެއްގެ ދަށުން ޗެލްސީއަށް ބަދަލުވުމަށްފަހު އެޓީމުގައި ހޭދަކުރި ފަސް އަހަރުތެރޭގައި ޖޯޖީނިއޯ ވަނީ ޗެލްސީއަށް 213 މެޗު ކުޅެ 29 ލަނޑު ކާމިޔާބުކޮށްދިނުމުގެ އިތުރުން އެޓީމާއެކު ޗެންޕިއަންސް ލީގު، ޔުރޮޕާ ލީގު، ޔުއެފާ ސުޕަކަޕްގެ އިތުރުން ކުލަބު ވޯލްޑްކަޕް ކާމިޔާބުކޮށްފައެވެ.
މީގެ އިތުރުން 2020/21 ވަނަ ސީޒަނުގެ ޔޫރަޕްގެ މޮޅުކުޅުންތެރިއާގެ މަގާމު ހޯދާފައިވާ މިޑްފީލްޑަރު ވަނީ ޔޫރޯ20 ކާމިޔާބުކުރި އިޓަލީ ޓީމުގައި ހިމެނި މުހިންމު ދައުރެއް އަދާކޮށްދީފައެވެ. އަދި އެނާ ވަނި މިހާތަނަށް ގައުމީ ޓީމަށް 52 މެޗު ކުޅެ 5 ގޯލު ކާމިޔާބުކޮށްދީފައެވެ.
Advertisement
This content is created and paid for by advertisers and does not involve Voice Journalists
