ކުޑަކުދިންގެ ދުވަސް ފާހަގަކުރުމުގެ ގޮތުން މިރޭ ހުޅުމާލޭގައި ހަވާ އަރުވަން ނިންމައިފިއެވެ.

އެމްއެންޑީއެފްއިން ވިދާޅުވިގޮތުގައި މިރޭ 22:00 ގައި ހަވާއަރުވާނެއެވެ. ހަވާ އަރުވަން ހަމަޖެހިފައިވަނީ ކުޑަކުދިންގެ ދުވަހާ ގުޅިގެން ބާއްވާ "އުފާ ފެސްޓިވަލް" ނިންމާލުމުގެ ގޮތުން ހުޅުމާލޭ ސެންޓްރަލް ޕާކްގައެވެ.

ސިފްކޯއިން ވިޔަފާރި އުސޫލުން ކުރިއަށްގެންދާ މި ހަރަކާތް ކުރިއަށް ގެންދަން ހަމަޖެހިފައިވަނީ 3 މިނެޓަށް ކަމަށްވެސް އެމްއެންޑިއެފުން ވިދާޅުވިއެވެ.

"އުފާ ފެސްޓިވަލް" އަކީ ކުޑަކުދިންގެ ދުވަހާ ދިމާކޮށް، އިޖްތިމާއީ އަދި އާއިލީ ތަރައްގީއާއި ބެހޭ ވުޒާރާއިން އިސްނަގައިގެން، ހައުސިން ޑިވޮލޮޕްމެންޓް ކޯޕަރޭޝަން (އެޗް.ޑީ.ސީ) އާއި އުރީދޫއާ ވެސް ގުޅިގެން ބާއްވާ ހަރަކާތެކެވެ.