ބޭންކް އޮފް މޯލްޑިވްސް (ބީއެމްއެލް) ގެ ކާޑު މެޝިންތަކުން ވީޗެޓް ޕޭއިން ފައިސާ ދެއްކޭނެ ގޮތް ހިދުމަތް ގާއިމު ވެގެން ދިޔުމަކީ ދަތުރުވެރިންނާއި ވިޔަފާރިތަކަށް ފަސޭހަތަކެއް ލިބޭނެ ކަމެއްކަމަށް އިގުތިސާދީ ކަންކަމާ ބެހޭ ވަޒީރު މުހައްމަދު ސައީދު ވިދާޅުވެއްޖެއެވެ.
ބޭންކް އޮފް މޯލްޑިވްސް އިން ވެއިޝިންގ ޕޭ، ނުވަތަ ބައިނަލްއަޤްވާމީ މާކެޓްގެ އާންމު ނަމުންނަމަ ވީޗެޓް ޕޭ ބޭންކުގެ ޕޮއިންޓް-އޮފް-ސޭލް (ޕީއޯއެސް) ޓަރމިނަލް ނެޓްވޯކްގައި ބޭނުންކުރެވޭ ގޮތް ހަމަޖެއްސުމާއި ގުޅިގެން އެކްސްގައި ކުރެއްވި ޕޯސްޓެއްގައި ވަޒީރު ސައީދު ވަނީ ޕޭމެންޓް މެތޮޑުތަކުގައި ލިބުނު ކުރިއެރުމަށް މަރުހަބާ ވިދާޅުވެ، ވީޕެޓް ޗޭ ތައާރަފުކުރީތީ ބީއެމްއެލް އަށް ޝުކުރު އަދާކުރައްވާފައެވެ.
ހަމައެއާއެކު އަލަށް ތައާރަފް ވެގެން ދިޔަ މި ޚިދުމަތާއި އެކު ވިޔަފާރިތަކާއި ދަތުރުވެރިންނަށްވެސް ފަސޭހަވާނެ، ފައިސާ ދެއްކުން ޖުމްލަ ގޮތެއްގައި ރަނގަޅުކުރެވިގެންދާނެކަން ވަޒީރު ސައީދު ފާހަގަކުރެއްވިއެވެ.
މީގެ ކުރިން ހަމައެކަނި ބީއެމްއެލް ޕޭމަންޓް ގޭޓްވޭ މެދުވެރިކޮށް މި ޚިދުމަތް ލިބެމުން އައިނަމަވެސް، ބީއެމްއެލް ވީޗެޓް ޕޭ ގެ ހިދުމަތް ތައާރަފް ކުރުމާއި އެކު، ކިއުއާރު ޕޭމަންޓްތައް ވިޔަފާރިތަކަށް މިހާރު ފައިސާ ބަލައިގަނެވޭނެ ކަމަށް ބީއެމްއެލްއިން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
