އައްޑޫ ޑިވެލޮޕްމެންޓް ޕްރޮޖެކްޓްގެ ދަށުން އައްޑޫސިޓީގައި އަޅަމުންދާ ހަންކެޑެ ބްރިޖްގެ 820 މީޓަރުގައި ތާރު އަޅައި ނިންމާފައިވާ ކަމަށް އައްޑޫ ސިޓީ ކައުންސިލުން ބުނެފިއެވެ.
އައްޑު ސިޓީ ކައުންސިލުން އެކްސްގައި ކުރެއްވި ޕޯސްޓެއްގައި ވިދާޅުވީ، އައްޑޫ ޑިވެލޮޕްމެންޓް ޕްރޮޖެކްޓްގެ ދަށުން އައްޑޫސިޓީގައި މިހާރު އަޅަމުންދާ ހަންކެޑެ ބްރިޖްގެ ތާރު އެޅުމުގެ މަސައްކަތް ވަނީ ފެށިފައި ކަމަށާއި، އެގޮތުން މިއަދާއި ހަމައަށް އެ ބްރިޖްގެ ޖުމްލަ 820 މީޓަރުގައި ވަނީ ތާރު އަޅާނިމިފައިވާ ކަމަށެވެ.
ދިގުމިނުގައި 1.463 ކިލޯމީޓަރު ހުންނަ އައްޑޫގެ ފޯ-ލޭން ޑީޓުއަރ ލިންކްގައި ތާރު އެޅުމުގެ މަސައްކަތް ފެށީ މިދިޔަ މަހުގެ 18 ވަނަ ދުވަހެވެ.
މި މަޝްރޫޢުގައި ދެ ބްރިޖާއި ތިން އެމްބޭންކްމަންޓްސް ހިމެނޭއިރު، 1.4 ކިލޯމީޓަރުގެ ހަތަރު ލޭން ހިމެނޭ ބްރިޖް ގެ މަސައްކަތް ފަށާފައިވަނީ 2021 ވަނަ އަހަރުއެވެ.
ހަންކެޑެ އާއި ގައުކެނޑިއާ ދެމެދު އޮތް ބްރިޖު ބަދަލުކޮށް، އެ ހިސާބުގައި ވަކި ބްރިޖް އަޅައިގެން ހަންކެޑެ ތަރައްގީ ކުރަމުންދާއިރު މޯލްޑިވްސް ފަންޑް މެނޭޖްމަންޓް ކޯޕަރޭޝަން (އެމްއެފްއެމްސީ) އިން ތަރައްގީ ކުރަމުންދާ ހަންކެޑެ އަކީ ރިއަލް ސްޓޭޓް ޓޫރިޒަމަށް ސަރުކާރުން ހަމަޖައްސާފައިވާ ތަނެއްކަން ފާހަގަކޮށްލަން ޖެހެއެވެ.
Advertisement
This content is created and paid for by advertisers and does not involve Voice Journalists
