ރެއާލް މެޑްރިޑްގެ ތަޖުރިބާކަރު މިޑްފީލްޑަރު ޓޯނީ ކުރޫސް މިއަހަރުގެ ޔޫރަޕިއަން ޗެންޕިއަންޝިޕަށްފަހު ފުޓްބޯޅަ ކުޅުން ހުއްޓާލަން ނިންމާފައިވާކަން މިއަދު އިއުލާންކޮށްފިއެވެ.

އުމުރުން 34 އަހަރުގެ މިޑްފިލްޑަރު ރެއާލް މެޑްރިޑަށް ކުޅެދޭނެ އެންމެ ފަހު މެޗަކީ ޖޫން އެއްވަނަ ދުވަހު ޔުއެފާ ޗެންޕިއަންސް ލީގު ފައިނަލުގައި ޖަރުމަނުގެ ބޮރޫޝިއާ ޑޯޓްމަންޑާއި ދެކޮޅަށް ކުޅޭ މެޗެވެ. 

ކުރޫސް މިއަދު ސޯޝަލްމިޑިއާފައި ލިޔެފައިވާގޮތުން 2014 ވަނަ އަހަރުގެ ޖުލައި 17 ވަނަ ދުވަހު ރެއާލް މެޑްރިޑް ކުޅުންތެރިއެއްގެ ގޮތުގައި ދައްކާލި ދުވަހުން ފެށިގެން އަހަރެންގެ ދުރިއުޅުމަށް ވަނީ ވަރަށް ބޮޑު ބަދަލެއް އައިސްފައެވެ. ޚާއްސަކޮށް ފުޓްބޯޅަ ކުޅުންތެރިއެއްގެ ގޮތުގައެވެ.

އެއީ އަހަރެންގެ ދިރިއުޅުމުގެ މުޅިންއައު ސަފުހާއެއްގެ ފެށުން، އަދި ދުނިޔޭގެ އެންމެ ވަރުގަދަ ކުލަބާއެކު 10 އަހަރު ހޭދަކުރުމަށްފަހު މިސީޒަން ނިމުމައެކު އަހަރެންގެ ދިރިއުޅުމުގެ މިސަފުހާވެސް ނިމުނީ އެވެ. އަދި މިކުލަބުގައި ހެދަކުރި ކާމިޔާބު ދުވަސްތަކުގެ މަތިން އަހަރެން ދުވަހަކުވެސް ހަދާން ނުނެތޭނެއެވެ. އަދި އަންނަ އިތުބާރުކޮށް މަރުހަބާކީ ހުރިހާ ފަރާތްތަކަށް ޝުކުރު އަދާކުރަން ބޭނުންވެއެވެ.

ވަކިން ހާއްސަކޮށް ރެއާލްގެ ސަޕޯޓަރުންގެ ފަރާތުން އެންމެ ފުރަތަމަ ދުވަހުން ފެށިގެން މިއަދާއި ހަމައަށް ލިބުނު ލޯއްބާއި ދެމުންއައި ތަރުހީބަށް ޝުކުރުއަދާކުރަން. ހަމައެއާއެކު ކުރިއަށް އޮތް ޔޫރޯ ފުޓްބޯޅަ މުބާރާތާއެކު އަހަރެންގެ ފުޓްބޯޅަ ކެރުއަރި ނިންމާލުމަށް ނިންމައިފިން.

އަހަރެން ކުރުންވެސް ނިންމައިގެންހުރީ ކުޅުމުގެ ފެންވަރު ދަށްނުވަނީ ކުޅުންހުއްޓާލުމަށް ސަބަބަކީ އަހަރެން ބެންޗުގައި އިންނާކަށް ބޭނުމެއްނޫން އަހަރެން ފުޓްބޯޅަ ކުޅެނީ އުފަލަކައްޓަކައި، އަދި މިއީ ކުޅުން ހުއްޓާލުމަށް އެންމެ ރަނގަޅު ވަގުތުކަމުގައި ގަބޫލުކުރަން އަދި މިނިންމުމާއި މެދު އަހަރެން ފަޚުރުވެރިވަން..

ކުރޫސް ވަނީ ފާއިތުވެދިޔަ 10 އަހަރު ދުވަހުގެ ތެރޭގައި ރެއާލް މެޑްރިޑަށް 463 މެޗު ކުޅެ 28 ލަނޑު ކާމިޔާބުކޮށްދިނުމުގެ އިތުރުން އެކުލަބާއެކު ލަލީގާ ހަތަރު ފަހަރު، ސްޕެނިޝް ސުޕަކަޕް ހަތަރު ފަހަރު، ކޮޕާ ޑެލްރޭ އެއްފަހަރު، ޔުއެފާ ސުޕަކަޕް ތިން ފަހަރު، ޔުއެފާ ޗެންޕިއަންސް ލީގު ހަތަރު ފަހަރު އަދި ކުލަބު ވޯލްޑްކަޕް ފަސް ފަހަރު ކާމިޔާބުކޮށްފައެވެ.

މީގެ އިތުރުން 2014 ވަނަ އަހަރު ބްރެޒިލްގައި ބޭއްވުނު ވޯލްޑްކަޕް ފުޓްބޯޅަ މުބާރާތް ޖަރުމަނަށް ކާމިޔާބުކޮށްދިނުމުގައި މުހިންމު ދައުރެއް އަދާކޮށްދިން ކުރޫސް ވަނީ ޖަރުމަނު ގައުމީ ޓީމަށް މިހާތަނަށް 108 މެޗު ކުޅެ 17 ލަނޑު ކާމިޔާބުކޮށްދީފައެވެ.