ވިލާ ހަކަތައިގެ މުވައްޒަފުންނަށް ސްވިޒަލޭންޑުގެ ކައިޒެން އިންސްޓިޓިއުޓުން ތަމްރީން ޕްރޮގްރާމެއް ކުރިއަށް ގެންގޮސްފިއެވެ.

ވިލާ ހަކަތައިގެ ހިދުމަތްތަކުގެ ފެންވަރު ރަނގަޅު ކުރުމަށް ހަފްތާއެއްގެ މުއްދަތަށް ކުރިއަށް ގެންދެވުނު މި ތަމްރީނު ޕްރޮގްރާމްގައި ވިލާ ހަކަތައިގައި އިސްކޮށް އުޅޭ އަދި އޮޕަރޭޝަންސްގައި މަސައްކަތްކުރާ 20 މުވައްޒަފުން ބައިވެރިވެފައިވާއިރު، މި މުވައްޒަފުންނަށް ތަމްރީން ދީފައި ވަނީ ޕޯޗުގަލްގެ ދެ ޓްރެއިނަރުންނެވެ.

މިކަމާއި ގުޅޭ ގޮތުން ވާހަކަފުޅު ދައްކަވަމުން ވިލާ ހަކަތައިގެ މެނޭޖާ، އެމްޕްލޯއީ ޑިވެލޮޕްމަންޓް އެންޑް ވެލްބީން އަހުމަދު އިރުނާސް ވިދާޅުވީ، ކަސްޓަމަރުންނަށް ދޭ ހިދުމަތްތައް އިތުރަށް ރަނގަޅު ކުރުމަށް އާ ކަންތައްތަކެއް މި ޕްރޮގްރާމުން ދަސްވެގެންދިޔަކަމަށެވެ.

Advertisement

ވިލާ ހަކަތައަކީ ރާއްޖޭގެ އެންމެ ބޮޑު އެއް ކޮންގްލޯމެރޭޓް ކަމަށްވާ ވިލާ ޝިޕިން އެންޑް ޓްރޭޑިން ކޮމްޕެނީ ޕްރައިވެޓް ލިމިޓެޑްގެ ސަބްސިޑަރީ ކުންފުންޏަށްވާއިރު، ރާއްޖޭގެ އުމްރާނީ ތަރައްގީގެ މަޝްރޫއުތަކުގައި ބޮޑު ދައުރެއް އަދާކުރާ އެ ކުންފުނިން އަންނަނީ ރާއްޖޭގެ މާކެޓުތަކަށް ފެންވަރު ރަނގަޅު އުފެއްދުންތައް ފޯރުކޮށްދެމުންކަން ފާހަގަކޮށްލަން ޖެހެއެވެ.