ރައްޔިތުންގެ މަޖިލީހުގެ ދާއިމީ ކޮމިޓީތަކުގެ ތެރޭގައި، ގެދޮރުވެރިކަމާ ގުޅުންހުރި ކަންކަމާއި ގުޅޭ ކޮމިޓީއެއް އުފައްދާނެ ކަމަށް ވިހި ވަނަ ރައްޔިތުންގެ މަޖިލީހުގެ ނައިބު ރައީސް އަޙްމަދު ނާޒިމް ވިދާޅުވެއްޖެއެވެ.

ދައުލަތުގެ މީޑިއާގެ ޕްރޮގްރާމެއްގައި ވާހަކަފުޅު ދައްކަވަމުން ނާޒިމް ވިދާޅުވީ، ސަރުކާރު ހިއްސާވާ މައި ޕާޓީ، ޕީއެންސީން ބޭނުންވާ ކަމަށާއި، އިއްޔެ ބޭއްވުނު މަޖިލީހުގެ 20 ވަނަ ދައުރުގެ ފުރަތަމަ ޖަލްސާގައި އެކަން ނުކުރެވުނީ ގެދޮރުވެރިކަމާބެހޭ އެކި ކަންކަމުގެ މެންޑޭޓް އޮތް ކޮމިޓީތައް ހުރުމުން ކަމަށެވެ.

އެހެންނަމަވެސް، އާންމު ކޮމިޓީން މަޖިލީހުގެ ގަވާއިދަށް ގެންނަ ބަދަލުތަކާއެކު އެ ކޮމިޓީ އުފެއްދޭނެ ކަން ފާހަގަކުރައްވާ ނާޒިމް ވިދާޅުވީ، ގެދޮރުވެރިކަމާ ބެހޭ ކޮމިޓީ އަންނަ ޖޫން މަސް ނިމޭއިރު އުފެއްދޭނެ ކަމަށެވެ.

Advertisement

މި ކޮމިޓީ އުފެއްދުމާއިއެކު، މީގެ ކުރިން ގެދޮރުވެރިކާއި ގުޅިގެން ދިމާވެފައި ހުރި މައްސަލަތަކަށް ޙައްލު ލިބިގެންދާނެކަމަށާއި، ކޮމިޓީއަކާ މިކަހަލަ ހައްސާސް މައްސަލައެއް ހަވާލުކުރުމަކީ ނާޒިމް ދެކެވަޑައިގަންނަވާ ގޮތުގައި މިއީ މިކަމަށް ދާއިމީ ހައްލެއް ލިބުމަށް އެޅޭނެ ވަރަށް ބޮޑު ބާރެއްކަމަށް އެމަނިކުފާނު ވިދާޅުވިއެވެ.

ދިވެހިރާއްޖެ އަށް ދިމާވެފައިވާ ގެދޮރުވެރިކަމުގެ މައްސަލައަށް ހައްލު ގެނެސްދެއްވުމަކީ ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވަރަށް ބޮޑަށް އިސްކަން ދެއްވާ ސިޔާސަތަކަށް ވާއިރު، މިކަން ހައްލު ކުރުމަށްޓަކައި  ޤާނޫނީ ގޮތުން ގެނެވެން ހުރި ބަދަލުތައް ގެނައުމަށް ވެސް ސަރުކާރުން ވަނީ ނިންމާފައެވެ.