ޖުމްލަ 33،000 ރުފިޔާގެ އިނާމާއެކު، ދުނިޔޭގެ ކަނޑުތަކުގެ ދުވަހާއި ގުޅިގެން ބާއްވާ އެއް ހަރަކާތް ކަމަށްވާ މަސްރޭހުމުގައި ބައިވެރިވާން ހުޅުވާލައިފިއެވެ.

ޖޫން އަށް ވަނަ ދުވަހު ފާހަގަކުރާ ބައިނަލްއަގްވާމީ ކަނޑުތަކުގެ ދުވަހާ ގުޅިގެން މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާއިން ކުރިއަށް ގެންދާ ހަރަކާތްތަކުގެ ތެރެއިން  "އެންމެން މޫދަށް" ގެނަމުގައި ރާއްޖޭގެ ރަށްރަށުގައި އެކި ހަރަކާތްތައް ވަނީ ރާވާފައެވެ.

މި ހަރަކާތްތަކުގެ ތެރެއިން ޖޫން 7 ވަނަ ދުވަހު ކުރިއަށް ގެންދިޔުމަށް ހަމަޖެހުފައިވާ މަސްރޭހުގައި ބައިވެރިވާން އެވުޒާރާއިން މިހާރު ވަނީ ހުޅުވާލާފައެވެ.

Advertisement

އެގޮތުން މަސްރޭހުގައި ބައިވެރިވާން ބޭނުންވާ ދައުލަތުގެ މުއައްސަސާތަކާއި އަމިއްލަ ޖަމިއްޔާ ޖަމާއަތްތަކާއި ކްލަބްތަކުން ތިރީގައިވާ ލިންިުގައިވާ ފޯމު ފުރުމަށް އެ ވުޒާރާއިން ވަނީ އެދިފައެވެ.

https://forms.gle/1U287ScyQyDJnc4G8

މަސްވެރިކަމާއި ބެހޭ ވުޒާރާއިން ވަނީ، މި މަސްރޭހުގައި އެއްވަނަ އަށްދާ ފަރާތަކަށް 15،000 ރުފިޔާ، ދެވަނައަށް 10،000 ރުފިޔާ، ތިން ވަނައަށް 7،000 ރުފިޔާގެ އިތުރުން އެންމެ ބަރު މަސް ބާނާ ފަރާތަކަށް 1،000 ރުފިޔާގެ ފައިސާގެ އިނާމެއް ދިނުމަށް ނިންމާފައެވެ.

ދުނިޔޭގެ ކަނޑުގެ ދުވަސް ފާހަގަ ކުރުމަށް މަސްވެރިކަމާއި ބެހޭ ވުޒާރާއިން ވަނީ ވީހާވެސް ގިނަބަޔަކު ބައިވެރިވާ ހަރަކާތްތަކެއް ދެ ދުވަހު ކުރިއަށްގެންދިއުމަށް ނިންމާފައެވ.

އެގޮތުން ރާއްޖޭގެ އެކި ކަންކޮޅުތަކުގައި މިދުވަސް ކުލަ ގަދަކޮށް ފާހަގަ ކުރުމުގެ ގޮތުންކޮންމެރަށެއްގައިވެސް މޫދުގެ ހަރަކާތްތަކެއްހިންގުމަށް ރަށު ކައުންސިލްތަކާއިމުއައްސަސާތަކާއި ގުޅިގެން މަސައްކަތްކުރަމުންދާ ކަމަށް އެ ވުޒާރާއިން މައުލާމާތު ދެއެވެ.

މަސްރޭހުގެ އިތުރުން އެ ދުވަސް ފާހަގަ ކުރުމުގެ ގޮތުން އުމުރުން 8-15 ދެމެދުގެ ކުދިންނަށް ބާއްވާ "ބޮކިއެރުވުން" ޑައިވް ހަރަކާތެއްވެސް 8 ޖޫންގައި އޮންނާނެ ކަމަށް އެ ވުޒާރާއިން މައުލޫމާތު ދެއެވެ.