މެލޭޝިޔާގެ ދިފާޢީ ވަޒީރާ، ރާއްޖޭގެ ދިފާޢީ ވަޒީރު ޣައްސާން މައުމޫނު ބައްދަލުކުރައްވައިފިއެވެ.
މިއަދު ރާއްޖޭގެ ދިފާޢީ ވަޒީރު ޣައްސާން، މެލޭޝިޔާގެ ދިފާޢީ ވަޒީރު މުޙައްމަދު ޚާލިދު ބިން ނޫރައްދީންއާ ބައްދަލުކުރެއްވީ، ދުނިޔޭގެ އެކި ގައުމުތަކުގެ ދިފާޢީ ވަޒީރުންނާއި މިލިޓަރީގެ ޗީފުންނަށް ޚާއްސަކޮށް ކޮންމެ އަހަރަކު ވެސް ސިންގަޕޫރުގައި ބާއްވާ ޝަންގްރިއްލާ ޑައިލޮގްގެ މިއަހަރުގެ ބައްދަލުވުމުގެ ތެރެއިންނެވެ.
މި ބައްދަލުވުމާ ގުޅިގެން ދިފާޢީ ވަޒީރު، ޣައްސާން ވިދާޅުވީ، އެ ބައްދަލުވުމުގައި ދެގައުމުގެ ދެމެދުގައި އޮންނަ ޒަމާންވީ ޚާރިޖީ ގުޅުމާއި ދެގައުމުގެ ދިފާޢީ ގުޅުންތައް އިތުރަށް ވަރުގަދަ ކުރަން މަޝްވަރާ ކުރެވުނު ކަމަށެވެ.
އިންޓަނޭޝަނަލް އިންސްޓިޓިއުޓް ފޯ ސްޓްރެޓެޖިކް ސްޓަޑީސް (އައިއައިއެސް) އިން އިންތިޒާމު ކޮށްގެން ބާއްވާ ޝަންގްރިއްލާ ޑައިލޮގްއަކީ އޭޝިއާ ޕެސިފިކް ސަރަހައްދުގެ ކުރިއަރަމުން އަންނަ ގައުމުތަކަށް ޚާއްސަކޮށް ބާއްވާ ބައްދަލުވުމެކެވެ. މި ބައްދަލުވުމުގައި، ސަރަހައްދީ ލެވެލްގައި ސެކިއުރިޓީ ބަލަހައްޓާ ޕޮލިސީމޭކަރުން އެއްތަނަކަށް އެއްވެ މަޝްވަރާ ކުރެއެވެ.
Advertisement
This content is created and paid for by advertisers and does not involve Voice Journalists
