ދިވެއްސަކަށް ބެންކޮކުގެ ޓެކްސީއެއްގައި ބަހަށްޓާފައި ދެވުނު ތައިލެންޑްގެ 80،000 ބާޓް، (ގާތްގަނޑަކަށް 2100 ޑޮލަރު) އާއި ތަކެތި ހަވާލުކޮށްދީފިއެވެ. 

ތައިލެންޑްގެ މީޑިއާއަކުން ރިޕޯޓް ކޮށްފައުވާ ގޮތުން، މިމަހު 4 ވަނަ ދުވަހު، ޢަލީ ހަފީޒު ނަމަކަށް ކިޔާ ދިވެއްސަކަށް އޭނާގެ ފައިސާ ތަކާއި ތަކެތި ހުރި ދަބަސް، މަގުމަތިން ނެގި ޓެކްސީއެއްގެ ތެރޭގައި ބަހައްޓާފައި ދެވުމުން، އެތަކެތި ހޯދުމުގައި އެހީތެރިކަން ފޯރުކޮށްދިނުމަށް ހަފީޒު ދަންނަ އެހެން ޓެކްސީ ޑްރައިވަރެއް (ސިރޯޖް) ގާތު އޭނާ އެދުނީއެވެ. 

އެއާއެކު ސިރޯޖް ، ހަފީޒާއެކު ގޮސް ތައިލެންޑުގެ ފުލުހުންނަށް އެ މައްސަލަ ރިޕޯޓް ކުރި ކަމަށާ، އެ ރިޕޯޓް ކުރުމުން، ޓެކްސީ ޑްރައިވަރުންގެ މެދުގައި މަގުބޫލޫ ރޭޑިއޯ ސްޓޭޝަނެއް މެދުވެރިކޮށް އެ ދަބަސް ޓެކްސީގައި ބޭއްވިފައިވާ ކަމަށް މެސެޖު ފޯރުކޮށް ދެވުނު ކަމަށް ތައިލެންޑްގެ ނޫހުން މައުލޫމާތު ދީފައިވެއެވެ.

އަދި އެ ޓްކްސީ ހޯދުމުގެ މަސައްކަތް، ސީސީޓީވީ ފޫޓޭޖްތައް މެދުވެރިކޮށް ކުރަމުންދަނިކޮށް، އެ ޓެކްސީގެ ޑްރައިވަރު ވަނީ އެ ދަބަސް ދަބަހުގައި ހުރި ހުރިހާ ތަކެއްޗާއެކު ރޭޑިއޯ ސްޓޭޝަނާއި ހަވާލުކޮށްފައި ކަމަށް ބުނެފައިވެއެވެ. 

އެ ދަބަސް ހަވާލުކުރިއިރު ދަބަހުގެ ތެރޭގައި ހުރި، ހަފީޒުގެ ޕާސްޕޯޓާއި، ފޯން ޗާޖަރާއި، 28،658 ތައިލެންޑް ބާޓް، 1294 ޑޮލަރު، 1690 ދިވެހި ރުފިޔާ، 2840 ލަންކާ ލަންކާ ރުޕީ، ހަމަޔަށް ހުރި ކަމަށާ، އެ ފައިސާގެ އަގު ތައިލެންޑްގެ ފައިސާގެ 80،000 ބާޓް އަށް އަރާނެ ކަމަށް އެގައުމުގެ ނޫހުން މައުލޫމާތު ދީފައުވެއެވެ. 

އެތަކެތި ހުރި ޓެކްސީ ޑްރައިވަރު މީޑިއާއަށް މައުލޫމާތު ދިން ގޮތުގައި، އެ ބެކްޕެކް ފެނި، އޭގައި އެހާ ގިނަ ފައިސާ ހުއްޓާ ފެނުމުން އޭނާ ވަރަށް ހައިރާންވިއެވެ. އެހެން ނަމަވެސް، އެ ފައިސާ އޭގެ ވެރިފަރާތާއި ހަވާލު ކުރުމަށް އޭނާ ބޭނުންވި ކަމަށެވެ. އަދި އޭނާ އަކީ މީގެ ކުރިންވެސް އެފަދައިން މީހުންނަށް ހަނދާންނެތި ޓެކްސީގައި ބަހައްޓާ ތަކެތި ފޯރުކޮށްދޭ މީހެއްކަމަށް ބުނެފައިވެއެވެ. 

މީގެ އިތުރުން މީޑިއާއަށް ދިން އިންޓަވިޔުއެއްގައި ހަފީޒު ވަނީ އެތަކެތި ލިބުމުން އެކަމަށް އެހީވެދިން މީހުންނަށް ޝުކުރުއަދާކޮށްފައެވެ. 

ު