ސައުދީ އަރަބިއްޔާގެ މައްކާގައި ބާއްވާ ގުރުއާން މުބާރާތުގައި ރާއްޖޭގެ ފަރާތުން ބައިވެރިވާ ދެ ދަރިވަރުން ހޮވައިފިއެވެ.
ކީރިތި ގުރުއާނާބެހޭ ގައުމީ މަރުކަޒުން ބުނީ، މައްކާގައި އަންނަ އޮގަސްޓް މަހުގެ ނުވަ ވަނަ ދުވަހުން ފެށިގެން އޮގަސްޓް 21 އަށް ބޭއްވުމަށް ހަމަޖެހިފައިވާ "44 ވަނަ ސެޝަން އޮފް ކިންގް ޢަބްދުލްޢަޒީޒު އިންޓަރނޭޝަނަލް ކޮމްޕެޓިޝަން ފޮރ ދަ މެމޮރައިޒޭޝަން، ރިސައިޓޭޝަން އެންޑް އިންޓަރޕްރިޓޭޝަން އޮފް ދަ ހޮލީ ގުރްއާން" ގައި ރާއްޖެ ތަމްސީލު ކުރާނީ އަމީނިއްޔާ ސްކޫލްގެ ގްރޭޑް އަށެއްގައި ކިޔަވަމުންދާ ޅ. ނައިފަރު ކުއްޖެއް ކަަމަށްވާ ޝައަފް ހާމިދް އިބްރާހިމާއި އައްޑޫ ސިޓީ ހިތަދޫއަށް ނިސްބަތްވާ ހިރާ ސްކޫލްގެ ގްރޭޑް 9ގެ ދަރިވަރު އަރީކް ހާދީ މުހައްމަދު ކަމަށެވެ.
އެގޮތުން ޝައަފް ބައިވެރިވާނީ މުޅި ގުުރުއާން އެއްކޮށް ތަޖުވީދުމަގުން ކިޔެވުމުގެ ބައިގައި ކަމަށާ އަރީކް ބައިވެރިވާނީ ވިދިވިދިގެން ތަރުތީބުން 15 ފޮތް ތަޖުވީދުމަގުން ހިތުން ކިޔެވުމުގެ ބައިގައި ކަމަށް އެ މަރުކަޒުން ބުނެފައުވެއެވެ:
އެ ދެ ބައިވެރިންވެސް ހޮވާފައި ވަނީ އެކަމަށް ޝައުގުވެރިވާ ކުދިން ހޯދުމަށް އިއުލާން ކޮށް، ހުށަހެޅި ފަރާތްތައް އިމްތިހާނު ކުރުމަށް ފަހުއެވެ.
Advertisement
This content is created and paid for by advertisers and does not involve Voice Journalists
