ސިނަމާލޭ 3 ގެ ފެން މޯޓަރުގެ ކޭބަލް ބުރިކޮށްގެން ވަގަށް ގެންގޮސްފިއެވެ.

މާލެ ސިޓީ ކައުންސިލުން އެކްސްގައި ކުރި ޕޯސްޓެއްގައި ބުނީ، ސިނަމާލޭ 3 ގެ ފެން މޯޓަރުގެ ކޭބަލް އަދި ފުޑްކޯޓް ކައިރީ ހުންނަ ރިންގު ރޯޑުގެ ލައިޓުތަކުގެ ކޭބަލް ވެސް ބުރިކޮށްގެން ވަގަށް ގެންގޮސްފައިވާ ކަމަށެވެ.

އެކަމުގެ ސަބަބުން އެތަނުގައި ދިރިއުޅޭ ރައްޔިތުންނަށް ގިނަ ދަތިތަކާއި ދިމާވި ކަމަށާ، އެ މައްސަލަ މިހާރު ހައްލުކުރެވިފައިވާ ކަމަށް އެ ކައުންސިލުން ވަނީ ބުނެފައެވެ.

Advertisement

މިއާއެކު ސިޓީ ކައުންސިލުން ވަނީ މިފަދަ ކަންކަން ކުރާ ފަރާތްތައް ހޯދައި ހަރުކަށި ފިޔަވަޅު އަޅަންޖެހޭ ކަމަށް ބުނެފައެވެ.