އަންނަ އަހަރު އެމެރިކާގައި އޮންނަ ފީފާ ކުލަބު ވޯލްޑްކަޕް ފުޓްބޯޅަ މުބާރާތުގައި ރެއާލް މެޑްރިޑުން ކުޅޭނެ ކަމަށާއި އެމުބާރާތުގައި ވާދަނުކުރުމާއި މެދު އެއްވެސް ވަރަށް މަޝްވަރާކޮށްފައި ނުވާނެކަމަށް ރެއާލް މެޑްރިޑުން ބުނެފިއެވެ.

ރެއާލް މެޑްރިޑުން މިހެން ބުނެފައިވަނީ މީގެ ކުޑައިރުކޮޅެއް ކުރިން އެކުލަބުން ނެރުނު ނޫސްބަޔާނެއްގައެވެ. އަދި ރެއާލް މެޑްރިޑުން މިފަދަ ބަޔާނެއް ނެރެފައިވަނީ އެޓީމުގެ ކޯޗު ކާލޯ އަންޗެލޮޓީ އާއި ހަވާލާދީ އަންނަ އަހަރު ބާއްވަން ނިންމާފައިވާ، ފީފާ ކްލަބް ވޯލްޑް ކަޕްގެ ދައުވަތު ރެއާލް މެޑްރިޑުން ގަބޫލުނުކުރާނެ ކަމަށް ބުނެ ބައެއް މީޑިއަތަކުން އެ ޙަބަރު ރިޕޯޓުކޮށްފައިވަނިކޮށެވެ.

މިއަދު ބައެއް މީޑިއާތަކުން ރިޕޯޓްކޮފައިވާގޮތުގައި ފީފާ ކޮންފަޑެރޭޝަން ކަޕްގެ ބަދަލުގައި ކްލަބްތަކަށް ކޮންމެ ހަތަރު އަހަރުން އެއް އަހަރަކު ބާއްވާ މުބާރާތެއް ގޮތަށް ކްލަބް ވޯލްޑް ކަޕް ފޯމެޓް ބަދަލުކޮށް 24 ޓީމު ހިމެނޭގޮތަށް ކުޅޭ ފުރަތަމަ މުބާރާތުގައި ނުކުޅެން ރެއާލް މެޑްރިޑުން ބޭނުން ނުވަނީ އެމުބާރާތުގައި ވާދަކުރާނަމަ ކުޅެންޖެހޭ މެޗުތަކުގެ އަދަދު އިތުރުވެ ކުޅުންތެރިންގެ ސިއްހަތަށް އޭގެ ސަބަބުން ނޭދެވޭ އަސަރުތަކެއް ކުރާނެތީކަމަށް  ބުނެފައިވެއެވެ.

Advertisement

މިހާރުގެ ފޯމެޓައް އެންމެ ފުރަތަމަ ކުލަބު ވޯލްޑްކަޕް ބޭއްވުމަށް ފީފާއިން ނިންމީ 2021 އަހަރު ޗައިނާގައެވެ. ނަމަވެސް، ކޮވިޑް-19ގެ ސަބަބުން ފީފާ އަށް މަޖުބޫރުވީ މުބާރާތް ފަސްކުރާށެވެ. އަދި އައު ފޯމެޓައް ބައްވާ ފުރަތަމަ މުބާރާތް މިހާރު ބޭއްވުމަށް ނިންމާފައިވަނީ އަންނަ އަހަރު އެމެރިކާގައެވެ.