ހުޅުމާލެ އިން މަސްވެރިންނަށް ވިއްކާ ޑީސެލް ގެ އަގު ހެޔޮކޮށްފިއެވެ.

މަސްވެރިކަމާއި ކަނޑުގެ ވަސީލަތްތަކާއި ބެހޭ ވުޒާރާއިން އެކްސް ގައި ކުރި ޕޯސްޓެއްގައި ބުނީ، ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ އިސްނެންގެވުމުގެ މަތިން، އެމަނިކުފާނުގެ މެނިފެސްޓޯގައިވާ ވައުދު ފުއްދުމަށްޓަކައި ހުޅުމާލެ އިން މަސްވެރިންނަށް ވިއްކާ ޑީސެލް ގެ އަގު ޝެޑް ތަކުން ވިއްކާ އަގަށް ހެޔޮކޮށްފައިވާ ކަަމަށެވެ.

މަސްވެރިކަމާއި ބެހޭ ވުޒާރާއިން މިފަދައިން ހާމަކުރި އިރު، މިހާރުވެސް މިފްކޯގެ މަސް ފެކްޓްރީ ތައް ހުންނަ ރަށްތަކުން މަސްވެރިންނަށް ޑީސެލް ފޯރުކޮށްދެމުން ދަނީ ހާއްސަ އަގެއްގައިކަން ފާހަގަކޮށްލަން ޖެހެއެވެ.

Advertisement

ހުޅުމާލެ އިން މަސްވެރިންނަށް ޑީސެލް ގެ އަގު ހެޔޮ ކުރުމާއި އެކު، ސަރުކާރުން މަސްވެރިންނަށް ދޭން ޖެހޭ 80 މިލިއަން ގެ ތެރެއިން 46 މިލިއަން ރުފިޔާ މިއަދު ދޫކުރުމަށް ހަމަޖެހިފައިވާ ކަމަށް ސަރުކާރުގެ މަސް ކުންފުނި، މިފްކޯއިން ވަނީ ހާމަކޮށްފައެވެ.