އދ. ދަނގެތީގައި ބަރަކާތްތެރި އަޟުޙާ ޢީދުގެ މުނާސަބަތުގައި ކުރިއަށް ގެންދާ ހަރަކާތްތަކުގެ ތެރެއިން އެރަށުގައި ތިބި އިސްރަށްވެހިންނަށް ޚާއްސަ ހަވީރެއް ބާއްވައިފިއެވެ. 

ސަގާފީ ކުލަ ތަކާއިއެކު އިއްޔެ ދަނގެތީގައި ކުރިއަށް ގެންދިޔަ މި ހަވީރުގައި އެ ރަށުގެ 70 އަހަރުން މަތީގެ އިސްރަށްވެހިންނަށް ދައުވަތު އަރުވައި، އެ ބޭފުޅުން ދަނގެއްޗަށާއި އަދި ދިވެހިރާއްޖެއަށް އެކި ރޮނގު ރޮގުން ކޮށްދެއްވި ޚިދުމަތްތަކުގެ އަގުވަޒަން ކޮށްފައެވެ. 

އިސްރަށްވެހިންގެ ހަވީރުގެ ތެރެއިން

އެގޮތުން، އިސްރަށްވެހިން ހަވީރަށް އައުމުން، ރަތް ދޫލައިން ރަސްމީ ޢިއްޒަތުގައި އެ ހުރިހާ ބޭފުޅުންނަށްވެސް މަރުހަބާ ކިޔާފައިވާއިރު، އެއިން ކޮންމެ ބޭފުޅަކާއި ގުޅޭ މައުލޫމާތާއި، އެބޭފުޅުން ކޮށްދެއްވި ޚިދުމަތްތަކާއި ގުޅޭ ތަޢާރަފެއް ދީފައިވެއެވެ. އެއަށްފަހު މާބޮޑިއަކާއި އަދި ހަދިޔާ ޕެކެއްވެސް އެބޭފުޅުންނަށް ދެވިފައިވެއެވެ. 

އިސްރަށްވެހިންގެ ހަވީރުގެ ތެރެއިން: ފޮޓޯ/ ޖަމިއްޔަތުލް ޤަލަމް

މީގެ އިތުރުން، މިހާރު ދުނިޔެ ދޫކޮށްފައިވާ ފަރާތްތަކުގެ ތެރެއިން، ދަނގެއްޗަށް އަގުހުރި ޚިދުމަތްތަކެއް ކޮށްދެއްވާފައިވާ ފަރާތެއްގެ އަގުވަޒަން ކުރުމުގެ ގޮތުން “ޝަޚްސުންގެ ރަންހަނދާނުގައި” ނަމުގައި ދެވޭ ހަނދާނީ ފިލާއެއްވެސް ވަނީ އަލް މަރުހޫމާ ޒުލޭޚާ އާދަމް (ތުއްތު ކަނބުލޮ)އަށް އަރުއްވާފައެވެ. މި ފިލާ ހަވާލުކޮށްފައިވަނީ އޭނާގެ ފިރިހެން ދަރިއަކާއެވެ.

އިސްރަށްވެހިންގެ ހަވީރުގެ ތެރެއިން: ފޮޓޯ/ ޖަމިއްޔަތުލް ޤަލަމް

ފިލާ ހަވާލު ކުރުމުގެ ކުރިން، ޒުލޭޚާ އާދަމްގެ ތައާރަފަކާއި، އޭނާގެ ދަރިންނާއި ގުޅޭ މައުލޫމާތާއު، އޭނާ އާއި އޭނާގެ ދަރިން ދަނގެއްޗަށާއި ރާއްޖެއަށް ކޮށްދީފައިވާ، އަދި ކުރަމުންދާ ޚިދުމަތްތައް ފާހަގަކޮށްފައިވެއެވެ.

އިސްރަށްވެހިންގެ ހަވީރުގެ ތެރެއިން: ފޮޓޯ/ ޖަމިއްޔަތުލް ޤަލަމް

މި ހަވީރުގެ ތެރެއިން އޭރު ޒަމާނުގައި ދިވެހިން ކޮށް އުޅުނު ބައެއް މަސައްކަތްތައް ދައްކުވައިދީ، އެކަންކަން ކޮށްލުމުގެ ފުރުސަތުވެސް ހަވީރުގައި ބައިވެރިވި މީހުންނަށް ވަނީ ދީފައެވެ. 

އިސްރަށްވެހިންގެ ހަވީރުގެ ތެރެއިން: ފޮޓޯ/ ޖަމިއްޔަތުލް ޤަލަމް

އިސްރަށްވެހިންގެ ހަވީރުގެ ތެރެއިން: ފޮޓޯ/ ޖަމިއްޔަތުލް ޤަލަމް

އަދި އިސްރަށްވެހިންނަށްޓަކައި، އެ ބޭފުޅުންގެ އާއިލާގެ ކުޑަކުދިންގެ ފަރާތުން ޚާއްސަ ލަވައެއްވެސް ވަނީ ހުށަހަޅާއިދީފައެވެ.

އިސްރަށްވެހިންގެ ހަވީރުގެ ތެރެއިން: ފޮޓޯ/ ޖަމިއްޔަތުލް ޤަލަމް

ޢާއިލީ ހަވީރަށްފަހު، ރޭގައި ވަނީ ބޮޑުމަސް ޝޯވ އަކާއި އަންހެނުންގެ ކެއްކުމުގެ މުބާރާތް ‘ރަނިރަހަ’ގެ ފުރަތަމަ ރައުންޑްވެސް ކުރިއަށްގެންގޮސްފައެވެ.