ސަރުކާރުން އެކި އެކި މިނިސްޓްރީތަކުގެ ސިޔާސީ މަގާމުތަކަށް އައްޔަން ކޮށްފައިވާ މީހުންގެ އަދަދު މަދުކުރަން ފަށައިފިއެވެ.
ސަރުކާރުގެ ގިނަ މިނިސްޓްރީތަކުގައި 40 އާ ގާތް ކުރާ އަދަދަކަށް ސިޔާސީ މީހުން އައްޔަން ކޮށްފައިވާއިރު، މައުލޫމާތު ލިބޭ ގޮތުގައި ސަރުކާރުން ވަނީ ބައެއް މިނިސްޓްރީތަކަށް އައްޔަން ކޮށްފައިވާ ސިޔާސީ މީހުންގެ އަދަދު 25 އަށް މަދު ކުރަން ނިންމާފައެވެ.
މިކަމާއި ގުޅޭގޮތުން ރައީސް އޮފީހުގެ ތަރުޖަމާނު ހީނާ ވަލީދު ވިދާޅުވީ، މިނިސްޓްރީތަކުގައި އަބަދުވެސް ތިބޭނީ އެ މިނިސްޓްރީއެއްގެ މަސައްކަތަށް ބޭނުންވާ ބޭފުޅުން ކަމަށާއި އެބޭފުޅުންގެ މަސައްކަތްތަކަށް ބެލުމަށްފަހު އުނި އިތުރު ގެންނަމުންދާނެ ކަމަށެވެ.
މިގޮތުން ހީނާ ވިދާޅުވީ، ރައީސް ޑރ.މުޙައްމަދު މުޢިއްޒުގެ ޓީމަކީ ޕާފޯމް ކުރެވޭ ޓީމަކަށް ވާން ވާނެ ކަމަށް އެމަނިކުފާނު ވިދާޅުވިކަމަށެވެ.
"ރައިސުލްޖުމްހޫރިއްޔާ ވިދާޅުވެފައި ވާނެ އެ މަނިކުފާނުގެ ޓީމަކީ ޕާފޯމް ކުރެވޭ ޓީމަކަށް ވާން ވާނެ ކަމަށް،"
ހީނާ ވިދާޅުވިއެވެ.
މި ސަރުކާރުގެ ސިޔާސީ މަގާމުތަކުގެ އަދަދު 700 ގައި ހިފެހެއްޓުމަކީ ރައީސް ޑރ.މުޢިއްޒުގެ ވައުދުފުޅެއްކަން ފާހަގަކޮށްލަން ޖެހެއެވެ.
Advertisement
This content is created and paid for by advertisers and does not involve Voice Journalists
