ރަސްމީ ދަތުރުފުޅެއްގައި ޚާރިޖީ ވަޒީރު މޫސާ ޒަމީރު އެމެރިކާ އަށް ފުރާ ވަޑައިގެންފިއެވެ.
މިކަމާއި ގުޅޭ ގޮތުން ޚާރިޖީ ވުޒާރާއިން ބުނީ 3 ދުވަހުގެ ދަތުރުފުޅަކަށް ވަޒީރު ޒަމީރު އެމެރިކާ އަށް ފުރާވަޑައިގަތީ މިއަދުގެ ވަގުތެއްގައެވެ.
މި ދަތުރުފުޅުގައި، އެމެރިކާ ސަރުކާރުގެ އިސް ވެރިންނާއި އދ. ގެ އިސް ވެރިންނާ ބައްދަލުކުރެއްވުމަށް ހަމަޖެހިފައިވާއިރު، ވަޒީރު ގެ އަރިހުގައި ދިވެހިރާއްޖޭގެ ސެކެޓްރީ ބައިލެޓަރަލް ޑރ. ހާލާ ހަމީދާއި، ސީނިއަރ އަންޑަރސެކެޓްރީ ހަސަން ހުސައިން ޝިހާބު ބައިވެރިވެލައްވައެވެ.
މި ދަތުރުފުޅުގައި އެންމެ ފުރަތަމަ އެމެރިކާގެ ވޮޝިންގްޓަން ޑީސީ އަށް ވަޒީރު ވަޑައިގެން، އެމެރިކާގެ އިންޓަނޭޝަނަލް ޑިވެލޮޕްމަންޓް އެޖެންސީގެ އެޑްމިނިސްޓްރޭޓަރ މަގާމު އަދާ ކުރައްވަމުންގެންދަވާ ސަމަންތާ ޕަވަރގެ އިތުރުން ސެކެޓްރީ އޮފް ސްޓޭޓް އެންޓޮނީ ބެލިންކެންއާއި ބައްދަލުކުރެއްވުމަށް ހަމަޖެހިފައިވާއިރު، މި ދަތުރުފުޅުގެ ތެރެއިން އެ ގައުމުގެ ކައުންސިލް އޮފް ފޮރިން ރިލޭޝަންސްގެ ބައްދަލުވުމެއްގައިވެސް އެބޭފުޅާ ބައިވެރިވެވަޑައިގަތުމަށް ވަނީ ހަމަޖެހިފައެވެ.
ހަމައެއާއިއެކު، ވަޒީރު ޒަމީރުގެ މިދަތުރުފުޅުގައި އދ. ގެ އިކޮނޮމިކް އަދި ސޯޝަލް އެފެއަރޒްގެ އަންޑަރ ސެކެޓްރީ ޖެނެރަލްގެ އިތުރުން އދ. ގެ ސެކެޓްރީ ޖެނެރަލްއާއި ބައްދަލުކުރެއްވުމުގެ އިތުރުން، މެރިކާގެ ވޮޝިންގްޓަން ޑީސީއާއި، ނިއު ޔޯކުގެ އިތުރުން ނިއު ޖާޒީގައި ދިރިއުޅޭ ދިވެހި ރައްޔިތުންނާ ބައްދަލުކުރެއްވުމަށްވެސް ވަނީ ހަމަޖެހިފައެވެ.
Advertisement
This content is created and paid for by advertisers and does not involve Voice Journalists
