ޖުލައި އަދި އޮގަސްޓުގައި ގިނަ ޢަދަދެއްގެ ޗައިނާ ފަތުރުވެރިން ރާއްޖެއަށް އަންނާނެ ކަމަށް ޗައިނާއިން ދިވެހިރާއްޖެއަށް ކަނޑައަޅާފައި ހުންނަވާ ސަފީރު ވަންގް ލީޝިންގް ވިދާޅުވެއްޖެއެވެ.
ދައުލަތުގެ މީޑިއާ ޕީއެސްއެމް އަށް ދިން އިންޓަވިއުއެއްގައި ސަފީރު ވިދާޅުވީ ޖުލައި އަދި އޮގަސްޓުގައި ގިނަ ޢަދަދެއްގެ ޗައިނާ ފަތުރުވެރިން ރާއްޖެއަށް އަންނާނެކަމަށާއި، އަދި މިހާރުވެސް ޗައިނާގެ އެކި ސިޓީތަކުން ރާއްޖެއަށް ދަނީ ދަތުރުތައް ކުރަމުންކަމަށެވެ.
އަދި އުއްމީދަކީ ކުރިމަގުގައި އިތުރު އެއަރލައިންތަކުން ދަތުރުތައް ފެށުން ކަމަށްވެސް ސަފީރު ވިދާޅުވިއެވެ.
ޗައިނާ ސަފީރު މިއަދު މިފަދައިން ބުނެފައިވާ އިރު، މި އަހަރުގެ މިހާތަނަށް ރާއްޖެއަށް އެންމެ ގިނަ ފަތުރުވެރިން އައިސްފައި ވަނީވެސް ޗައިނާއިން ކަން ފާހަގަކޮށްލެވެއެވެ. އެގޮތުން ޗައިނާއިން ރާއްޖޭގެ ފަތުރުވެރިކަމުގެ މާކެޓުގެ 11.3 އިންސައްތަ ހިއްސާ ކުރާއިރު މި އަހަރުގެ ޖަނަވަރީ މަހުން ފެށިގެން ޖޫން މަހުގެ 4 ވަނަ ދުވަހުގެ ނިޔަލަށް ޗައިނާއިން 102,706 ފަތުރުވެރިން ވަނީ ރާއްޖެއަށް އައިސްފައެވެ.
Advertisement
This content is created and paid for by advertisers and does not involve Voice Journalists
