ޚަރަދަށް ޒިންމާ ވުމުގެ ގާނޫނުގެ ބަދަލުގައި, ދައުލަތުގެ ފިސްކަލް ހަމަތަކާއި ގުޅޭ ގާނޫނެއް ހެދުމަށް ފިސްކަލް ޒިންމާގެ ބިލު ސަރުކާރުގެ ފަރާތުން ރައްޔިތުންގެ މަޖިލީހަށް ހުށަހަޅައިފި އެވެ.

ސަރުކާރުގެ ފަރާތުން ތުލުސްދޫ ދާއިރާގެ މެމްބަރު އިބްރާހިމް ނަސީމު ހުށަހަޅުއްވާފައިވާ މި ބިލު ހުށަހެޅުމުގެ މަގުސަދަކީ އެކަށީގެންވާ ގޮތެއްގައި ތަންފީޒު ކުރެވޭނެ ފިކްސަކް ހަމަތަކާއި ގުޅޭ އާ ނިޒާމެއް ތައާރަފުކޮށް، ދައުލަތުގެ ފިސްކަލް އެންމެހައި ކަންކަން ހިންގަނީ އެ ޑިސިޕްލިން ހާސިލު ކުރެވޭނެ ގޮތަކަށް ދެމެހެއްޓެނިވި ދެ ފުށްފެންނަ އަދި ޒިންމާދާރު ގޮތެއްގައިކަން ކަށަވަރު ކުރުމުގެ ގޮތުން ދައުލަތުގެ ފިސްކަލް ކަންކަމާ ގުޅޭ ހަމަތަކާއި އަމާޒުތަކާއި އުސޫލު ބަޔާން ކުރުން ކަމަށް ނަސީމް ވިދާޅުވިއެވެ. 

އަދި މި ބިލާއެކު މިހާރު އަމަލު ކުރަމުން އަންނަ ދައުލަތުގެ ހަރަދަށް ޒިންމާވުމުގެ ގާނޫނުގެ އުވިގެންދާނެ ކަމަށް އޭގަައި ބުނެފައިވެއެވެ. 

Advertisement

ފިކްސަލް ޒިންމާގެ ބިލުގައިވާ ބައިތަކުގެ ތެރޭގައި، ފިސްކަލް ޕޮލިސީގެ ހަމަތަށް ކަނޑައަޅާފައިވާ ގޮތާއި، މަރުކަޒީ ބޭންކުން އެޑްވާންސް ފައިސާ ނެގުމުގެ ހަމަތަކާއި، ފިސްކަލް ޒިންމާގެ ޗާޓާއި، ފިސްކަލް ޒިންމާގެ ޗާޓުގެ ހަމަތަކާއި، ފިސްކަލް އަމާޒުތައް ކަނޑައެޅުމާއި ގުޅޭ ކަންކަން ހިމެނުފައި ވެއެވެ.

މި ބިލުގައިވާގޮތުން، ދައުލަތުގެ މަރުކަޒީ ބޭންކުން ސަރުކާރުން ދަރަންޏަށް ފައިސާ ނަގަންވާނީ ދައުލަތުގެ ކޭޝްފްލޯ މެނޭޖު ކުރުމަށް އަދި ގިނަވެގެން 91 ދުވަހުގެ ތެރޭގައި އެ ފައިސާ ދައްކައި ހަލާސްކުރާ ގޮތަށް އެޑްވާންސެއްގެ ގޮތުންނެވެ. އެގޮތުން އެ ފައިސާ ނެގޭނީ، މިދިޔަ ތިން އަހަރުގެ ތެރޭގައި ސަރުކާރަށް ލިބުނު ޖުމްލަ އާމްދަނީގެ މައްޗަށް ބިނާކޮށް އަހަރަކަށް ޖެހޭ އެވްރެޖު އާމްދަނީގެ 2.5 އިންސައްތަ އިތުރުވާނެ ގޮތެއްގެ މަތީންކަމަށް ބުނެފައިވެއެވެ.

މީގެ އިތުރުން، ބިލުގައި ވާގޮތުން، ފިކްސަލް ޕޮލިސީ ކަނޑައަޅަން ވާނީ ދައުލަތުގެ މާލިއްޔާއިން ކުރެވޭ އެންމެހައި ހޭދައެއް ހިމަނައިގެން އެ ގާނޫނަކަށްވާ ހާލަތެއްގައި ބަޔާން ކުރާ ގޮތުގެ މަތީންނެވެ.

އެގޮތުން، ގްރޮސް ޑޮމެސްޓިކް ޕްރޮޑަކްޓުގެ ނިސްބަތުން ދައުލަތުގެ ޖުމްލަ ދަރަނި ދެމެހެއްޓެނިވި މިންގަނޑެއްގެ ތެރޭގައި ހިފެހެއްޓުމާއި، މެދުރާސްތާއެއްގައި ހިފެހެއްޓުމާއި، މެދުރާސްތާއެއްގައި އޯވަރޯލް ފިކްސަލް ބެލެންސް ދެމެހެއްޓެނިވި މިންގަނޑެއްގެ ތެރޭގައި ހިފެހެއްޓުން އަދި މެދުރާސްތާގައި އޯވަރޯލް ފިސްކަލް ބެލެންސް ދެމެހެއްޓެނިވި މިންގަނޑެއްގައި ހިފެހެއްޓެވި މިންގަނޑެއްގައި ހިފެހެއްޓުން ހިމެނެއެވެ. 

ހަމައެއާއެކު، މި ބިލުގައި ދައުލަތުގެ ރިކަރަންޓު ހަރަދު އިތުރުވާ މިންވަރު ދައުލަތުގެ އާމްދަނީ އިތުރުވާ މިންވަރަށް ވުރެ ދަށުގައި ބެހެއްޓުމާއި، ދައުލަތުން ކުރާ ހަރަދާއި ހަރަދުތަކުން ހާސިލު ކުރެވޭ ނަތީޖާއާއި ބައްދަލުވުން ވެސް ހޮމެނިފައިވާއިރު، ދައުލަތުން ދަރަންޏަށް ނަގާ ފައިސާ އަނބުރާ ދައްކަން ވާނީ އެ އިރެއްގައި މާކެޓް އިންޓްރެސްޓު ރިއާޔަތްކޮށް ކަމަށްވެސް ބުނެފައިވެއެވެ. 

މި ބިލާއެކު، މިހާރަށްވުރެ ބޮޑަށް ދައުލަތުގެ ފިސްކަލް ޒިންމާތައް ހަރުދަނާވެ، ދައުލަތަށާއި ރައްޔިތުންނަށް އެކަމުގެ މަންފާ ލިބިގެންދާނެ ކަމަށް ނަސީމް ވިދާޅުވުއެވެ.