ހޭންޑްބޯޅަ މޯލްޑިވްސްގެ ފަރާތުން އިންތިޒާމުކޮށްގެ މިއަހަރު ކުރިއަށް ގެންދިއުމަށް ހަމަޖެހިފައިވާ "އިންޓަރ އޮފީސް/ކުންފުނި" ތަކުގެ ހޭންޑްބޯޅަ މުބާރާތުގައި ބައިވެރިވުމުގެ ފުރުސަތު ހުޅުވާލައިފި އެވެ.
15 އޯގަސްޓް 2024 ގައި ފެށުމަށް ހަމަޖެހިފައިވާ މިމުބާރާތަކީ ސަރުކާރު އޮފީސް/ކުންފުނިތަކަށް ހުޅުވާލައިގެން ހޭންޑްބޯޅަ މޯލްޑިވްސްގެ ފަރާތުން އިންތިޒާމުކޮށްގެ ބާއްވާ 08 ވަނަ ހޭންޑްބޯޅަ މުބާރާތެވެ.
މި މުބާރާތުގައި ބައިވެރިވުމަށް އެދިލައްވާ ފަރާތްތަކުން މި މުބާރާތުގެ ރަޖިސްޓްރޭޝަން ފޯމު ފުރިހަމަ ކުރެއްވުމަށްފަހު، 25 ޖުލައި 2024 ވަނަ ދުވަހުގެ އޮފީސްބަންދުވުމުގެ ކުރިން އީމެއިލް މެދުވެރިކޮށް ފޮނުވުމަށް ހޭންޑްބޯލް އެސޯސިއޭޝަނުން ވަނީ އެދިލައްވާފައެވެ. އަދި މި މުބާރާތާ ގުޅޭގޮތުން އިތުރު މައުލޫމާތު ހޯއްދެވުމަށް 9879555 އާއި ގުޅުއްވުމަށް އެ އެސޯސިއޭޝަނުން ވަނީ އެދިލައްވާފައެވެ.
ހަތްވަނަ އިންޓަރ އޮފީސް/ކޮންޕެނީ ހޭންޑްބޯލް ޗެމްޕިއަންޝިޕް 2023 ގެ ފިރިހެން ޑިވިޝަނުގެ ޗެމްޕިއަންކަން ހޯދީ އެމްޕީއެލް އިންނެވެ. އަދި އަންހެން ޑިވިޝަނުގެ ޗެމްޕިއަންކަން ހޯދީ މޯލްޑިވްސް އިމިގްރޭޝަނުންނެވެ.
މީގެ އިތުރުން މިއީ އޮފީސް ކުންފުނިތަކުގެ މެދުގައި ކުރިއަށްދާ މުބާރާތްތަކުގެ ތެރެއިން އެންމެ ގިނަ ބަޔަކު އިންތިޒާރުކުރަމުންޱއަންނަ އެއް މުބާރާތެވެ.
Advertisement
This content is created and paid for by advertisers and does not involve Voice Journalists
